پتریا کەسێن پوستەرێن ریفراندۆمێ دروست دکەن گەنجن
ئه‌ڤرۆ نیوز ، هه‌رهین محه‌مه‌د:
سه‌روكێ كومه‌لا باشنڤیسان عادل حاجى ددیداره‌كێ دا بۆ ئه‌ڤرۆ نیۆز دیاركو رێژەیەکا پوسته‌رێن ریکلاما ریفراندومێ ژده‌رڤه‌ى وه‌لاتى هاتینه چێكرن و پێدڤیه حكومه‌ت ل سه‌ر ڤێ چه‌ندێ ب راوه‌ستیت ونه هێلت پوسته‌را فریكه‌نه ده‌رڤه‌ى وه‌لاتى و شوینا ئه‌و داهاته بۆ وه‌لاتێن بیانى بیت ئه‌و داهاته هه‌ر بۆ ملله‌تێ مه بیت و سالێن بورى ژى پتریا كاندیدێن مه پوسته‌ر و ریكلامێن خوه فرێكربوونه وه‌لاتێ سینێ.
سه‌روكێ كومه‌لا باشنڤیسان گۆتژى: پتریا ئه‌و كه‌سێن دهێن پوسته‌ران چێدكه‌ن بۆ تورمبێلێن خوه 70% گه‌نجن و دبیت وان ئیمكانیه‌تێن مادى ژى نه‌بن و ئه‌ڤان پوسته‌ران چێدكه‌ن ل سه‌ر كیستێ خوه بتنێ دا كو ئه‌و ژى هه‌ست پێبكه‌ت كو ئه‌و یێ هاریكاره ل گه‌ل ملله‌تێ خوه و دڤێت بیته ده‌وله‌ت، لێ ئه گه‌له‌ك ل گه‌ل گه‌نجا دهاریكارین بتنێ پاره‌كێ هێمایى(رمزى) ژێ وه‌ردگرین.