107 فلم د فەستیڤالا دهۆك یا نێڤدەولەتی دا دێ هێنە نیشادان
زنار تۆڤی:
دگەڕا یازدێ یا فلمە فەستیڤالا دهۆك یا نێڤدەولەتی دا، كو بڕیارە ل رۆژێن (9 هەتا 16) هەیڤا بهێت ل دهۆكێ بهێتە گێڕان، دێ دەستپێكەت و پتری (200) سینەماكار و مێهڤان بۆ فەستیڤالێ د داخوازكرینە.
ئەمیرعەلی، رێڤەبەرێ گشتی یێ رەوشەنبیری و هونەری ل دهۆكێ، كو دهەمان دەمدا سەرۆكێ فلمە فەستیڤالێ یە، دوهی ئێڤاری د كۆنگرەیەكێ رۆژنامەڤانی دا گۆت: بۆ ڤێ گەڕێ (750) فلم هاتبوون، پشتی ڤاڤارتنێ (107) فلم بۆ نیشادانێ هاتنە وەرگرتن، كو ئەو ژی (64) فلمێن كوردی نە و یێن دی د (بیانی) نە، هەروەسا مژارا ئەڤ سالە یا فەستیڤالێ ل دۆر وەرزشێ یە، چنكو وەرزش و هونەر نێزیكی ئێكن، د پشكا فلمێن كوردی یێن درێژدا دێ هەشت فلم هێنە نیشادان و هەڤڕكیێ ل سەر ب دەستڤەئینانا خەلاتان كەن، د پشكا فلمێن دكیۆمەنتاری یێن كوردی ژی دا دێ هەشت فلم هەڤڕكیێ ل سەر ب دەستڤەئینانا خەلاتان كەن، فلمێن درێژ یێن بیانی ژی دا دێ نەه فلم هەڤڕكیێ ل سەر ب دەستڤەئینانا خەلاتان كەن.
