11 تیم بۆ سه‌خبێریا رێك و پران ل دهۆكێ هاتینه پێكئینان
دهۆك، له‌زگین جوقی
رێڤه‌به‌رێ سه‌خبێری و پاراستنا رێك و پران ل پارێزگه‌ها دهۆكێ دیار كر، 11 تیم بۆ به‌رهه‌نگاریا هه‌ر پێشهاته‌كا چاڤه‌رێ نه‌كری ب مه‌ره‌ما پاراستنا رێك و پران د به‌رهه‌ڤن.
نه‌شوان یه‌حیا، رێڤه‌به‌رێ سه‌خبێری و پاراستنا رێك و پران ل پارێزگه‌ها دهۆكێ بۆ رۆژناما ئه‌ڤرۆ خویا كر، 11 تێم ب مه‌ره‌ما پاراستنا رێك و پرێن پارێزگه‌ها دهۆكێ ژ دروستبوونا له‌هیان و هه‌ر پێشهاته‌كا چاڤه‌رێ نه‌كری، هاتینه پێكئینان و گۆت: “هه‌تا نوكه چو زیان نه‌گه‌هشتینه رێیێن پارێزگه‌ها دهۆكێ، ئه‌و تیمێن سه‌خبێریا رێك و پران ژی ل هه‌موو ده‌ڤه‌رێن پارێزگه‌هێ، مینا: كانی ماسێ و بێكوڤا و سه‌رسنكی و سیاره‌تیكا و دوو تیم ژی ل دهۆكێ هاتینه به‌لاڤكرن، وه‌كو به‌رهه‌ڤی، هه‌كه به‌فر ل ده‌ڤه‌ره‌كێ بباریت، یان له‌هیه‌ك پیدا ببیت ئه‌و تیمه دێ دبه‌رهه‌ڤ بن بۆ ڤه‌كرنا رێیان، هه‌رچه‌نده هه‌تا نوكه چو ریك نه‌هاتیه گرتن و هاتنوچوون یا ئاسایی یه”.
ناڤهاتی ئاشكرا ژی كر كو هه‌كه ئاسته‌نگێن هاتنوچوونێ ل سه‌ر جاده‌كێ دروست بن، ئه‌و تیمه ئێكسه‌ر دێ چن وێ جاددێ دروست كه‌ن و ناهێلن ئاسته‌نگ بۆ هاتنوچوونا شۆفێران دروست ببن.
