114 جاددەیێن ناڤخوەیی ل تاخێن دهۆكێ دهێنە قێركرن و كۆنكریتكرن
بەرپرسێ راگەهاندنێ ل سەرۆكاتیا باژێرڤانیا دهۆكێ دیار كر، نوكە ل دهۆكێ 114 جاددەیێن ناڤخوەیی د قووناغێن چێكرنێ دانە.
ئیسماعیل مستەفا، بەرپرسێ راگەهاندنێ ل سەرۆكاتیا باژێرڤانیا دهۆكێ بۆ رۆژناما ئەڤرۆ ئاشكرا كر، ئەڤ جاددەیە ل تاخێن بەڕۆشكێ، گژەبەرا، سەرهلدان، كانی مهمەدكێ و گەلی ب درێژاهیا 12 كیلۆمەتران دهێنە چێكرن و گۆت: «نوكە ئەو جاددەیە د قووناغا قێركرن و كۆنكریتكرن و سەخبێركرن و ڤەكرنێ دانە».
گۆتژی: «ب رێژەیا پتری 52% كار ل سەر پڕۆژەی هاتیە كرن، ئەڤ پڕۆژە ل سەر بودجا پارێزگەها دهۆكێ و ژ لایێ سەرۆكاتیا باژێرڤانیا دهۆكێ ڤە دهێتە بجهـئینان».
