12 چه‌كدارێن حوسى هاتنه كوشتن
ئه‌ڤرۆ نيوز، فاتما مزوورى:
ل پارێزگه‌ها صه‌عدا يا يه‌مه‌ن 12 چه‌كدارێن حوسى يێن كوده‌تاچى د ئه‌نجامێ شه‌ر و ب هه‌ڤچوونێ دا ل گه‌ل هێزێن نشتيمانى هاتنه كوشتن.
ب گۆره‌ى ئاژانسا سه‌با يا فه‌رمى يا يه‌مه‌نى كو هێزێن نشتيمانى ب هه‌ماهه‌نگى ل گه‌ل هه‌ڤپه‌يمانيا عه‌ره‌بى شيان ده‌ستێن خوه بداننه سه‌ر هێلا نێڤده‌وله‌تى يا كو مه‌ران و حلاحيز ل پارێزگه‌ها صه‌عدا ب هه‌ڤرا گرێده‌ت.
ژ لايێ خوه ڤه ليوايێ هێزێن تايبه‌ت عه‌ميدێ روكن عادل مه‌سعه‌بى ژ سه‌نته‌رێ راگه‌هاندنا هێزێن چه‌كدار راگه‌هاند كو هێزين نشتيمانى شيان وێ هێلا كو ل پارێزگه‌ها صه‌عدا و سێگوشا مه‌لاحيز حه‌رد پێكڤه گرێدده‌ت، كونترۆل بكه‌ن و هه‌موو رێيێن هاريكاريێ يێ دگه‌هنه حه‌رس و مه‌لاحيس ل سه‌ر چه‌كدارێن حوسى يێن كوده‌تاچى بڕين، هه‌روه‌سا ئالاڤێن وان يێن له‌شكرى ژى ژناڤبرن.
ژ لايێ خوه ڤه ناسر سودانى پارێزگارێ به‌يدا ئازادكرنا رێڤه‌به‌ريا نه‌عمان ب ته‌مامى راگه‌هاند و داخواز ژ وه‌لاتيێن به‌يدا كر كو ب هه‌موو پێكهاتێن وێ ڤه كو بگه‌هنه له‌شكرێ نشتيمانى دا كو پارێزگه‌ها وان ب ته‌مامى بهێته كونترۆلكرن.