120 كۆمپانی دێ پێشانگه‌ها پیشه‌سازی ل مووسلێ ڤه‌كه‌ن
دهۆك، شاكر ئه‌تروشی:
خانمه‌كا خه‌لكا دهۆكێ، ل گه‌ل ئێكا خه‌لكا مووسل، ده‌مه‌كه مژوولی رێكخستنا پێشانگه‌هه‌كا پیشه‌سازی نه، كو ل به‌ره ل هه‌یڤا بهێت ب چاڤدێریا (منهل عزیز الخباز) وه‌زیرێ پیشه‌سازی و كانزایان ل باژێرێ مووسل بهێته ڤه‌كرن و پشكدار ژ هه‌موو پارێزگه‌هێن ئیراقێ و هه‌رێما كوردستانێ نه.
سهام ماجد به‌رواری، رێكخه‌را وێ پێشانگه‌ها و سه‌رنڤیسكارا گۆڤارا بازار ریكلام ل دهۆكێ، ل دۆر ئاماده‌كاریێن وێ پێشانگه‌هێ بۆ رۆژناما ئه‌ڤرۆ گۆت: ئه‌ز و هه‌ڤالا خوه (شوق غانم) خودانا (بصمه گرۆپ) مژوولی ئاماده‌كاریێن ڤێ پێشانگه‌هێ ینه، كو ل به‌ره ل رۆژا 22 ئیلۆنا بهێت ل باژێرێ مووسل بهێته ڤه‌كرن و بۆ ده‌مێ سێ رۆژان دێ یا به‌رده‌وام بیت، هه‌تا نوكه 80% كار ب دووماهی هاتیه و هه‌موو كۆمپانیێن پشكدار یێن كه‌رتێ تایبه‌تن و ئه‌ڤه جارا ئێكێ یه پێشانگه‌هه‌كا بڤی شێوه‌ی ل سه‌ر ئاستێ ئیراقێ دناڤبه‌را وه‌زاره‌تا پیشه‌سازی و كانزایان ل حكومه‌تا فیدرال، ل گه‌ل حكومه‌تا هه‌رێما كوردستانێ دهێته ڤه‌كرن و 120 كۆمپانی كو (25) ژوان ژ هه‌رێما كوردستانێ نه دێ به‌رهه‌مێن خوه دوێ پێشانگه‌هێ دا نیشاده‌ن.
