1225دەستێن جلكێن كوردی ل ئاكرێ رەوانەی ئۆرۆپا كرن
رەمەزان زەكەریا
باژێرێ ئاكرێ كو ب پایتەختێ نەورۆزێ دهێتە ناسین، ئەڤ سالە ب رەنگەكێ جوداتر پێشوازیێ ل جەژنێ دكەت، نە بۆ خەلكێ دەڤەرێ بەرگدورێن باژێری شیاینە نێزیكی 1225 دەستێن جلكێن كوردی بۆ رەڤەندا كوردی ل وەلاتێن ئورۆپا بەرهەم بینن و رەوانە بكەن.
نیاز حەجی رەمەزان، كو ئێكە ژ بەرگدورێن خودان ئەزموون ل ئاكرێ، دەربارەی ڤی كاری بۆ ئەڤرۆ گۆت: پتر ژ سێ هەیڤانە ب شەڤ و رۆژ مژوولی دورینا جلكاینە، مە كارێ خۆ ب دووماهی ئینایە و ب هەموو ڤیان و رەنجا خۆ، مە ئەڤ جلكە بۆ رەڤەندا كوردی ل دەرڤەی وەلاتی ئامادەكرینە، ئەڤ جلكە كو ب تایبەت بۆ هەلكەفتێن نەتەوەیی و جەژنا نەورۆزێ هاتینە دورین، پشكەكا زۆرا وان بۆ وەلاتێن ئەلمانیا و سوید هاتینە خواستن، خواست ب تنێ بۆ جلكێن زەلامان نەبوویە، رێژەیەكا بەرچاڤ ژ جلكێن كچان ژی د ناڤ دا هەنەو كەیفا مە گەلەك ب وێ چەندێ دهێت دەمێ دبینین كورد ل دووراتیا هزاران كیلۆمەتران هێشتا گرنگیێ ب جلكێن كوردی ددەن.
ناڤهاتی گۆت: سال بۆ سالێ خواست ل سەر جلكێن كوردی زێدەتر دبیت، نە ل ناڤخۆ ل دەرڤەی وەلاتی ژی جوانی و رەسەنایەتیا جلكێن كوردی وەسایە كو هەردەم خواستەكا زۆر ل سەر هەبیت.
