13 ئامۆژگارى بۆ خه‌وەكا خۆش و ئارام
ئەڤرۆ نیۆز،زنار تۆڤی:
ئەرێ تە زه‌حمه‌ت و نیگەرانی هەیە ل دەمێ نڤستنێ دا؟،ئەرێ تە دەمژمێرێن خوە یێن خەوێ ب شێوەیەکێ باش دەربازکرینە؟، یان ژی تۆ زوو ب زوو نانڤی و ب زەحمەت خەوا تە دهێت،لێ شارەزایێن ڤی واری چەند ئامۆژگاریەک دیارکرینە،کو ب ئەگەرێ وان ئامۆژگاریان مرۆڤ دشێت دناڤ خەوەکا خۆش و ئارام دا بنڤیت.
ئەو ئامۆژگاری ژی ئەڤەنە:
1.هەموو گلۆپێن رەنگاورەنگ یێن دناڤ ژوورا خوە دا ب ڤەمرینە.
2. چو جاران ل نیڤرۆ یان ژی ل ئێڤاریان نە نڤە.
3.دەمێ تۆ هەولددەی بنڤی،گەلەک بەرێ خوە نەدە دەمژمێرێ،چونکی دێ مێشکێتە پێڤە مژۆل بیت.
4. ده‌رمانان یان ژی کەپسۆلێن خەوێ نەخۆ.
5. هەولبدە تە بەرنامەکێ تایبەت ب خەوێ ڤە هەبیت،لەشێ خوە فێری هندێ بکە،کو ب شەڤێ دەمژمێرەکا دیارکری بۆ خەوا خوە دانە و ئێکا دیارکری ژی بۆ خەو رابوونێ.
6. شەڤانە خوارنێن گۆنجایی و سڤک بخۆ،نابیت بەری نڤستنێ تۆ خوارنێن گران و قەلەو بخۆی.
7.رووناهیێ و تاریاتیێ ب کاربینە،هەتاکو هاریکاریا تە بکەت بۆ نڤستنێ،ئانکو هەکە تە دڤێت بنڤی،وی جهێ تۆ لێ دنڤی تاری بکە و چ رووناهیێ تێدا نەهێلە،هەروەسا دەمێ تۆ ژ خەوێ رادبی ژی،دڤێت جهێ تە گەلەک یێ روون بیت.
8. راهێنانێن وه‌رزشى ب شێوه‌كێ باش ئه‌نجام بده.
9.بەری خەوێ مێشکێ خوە ئارام بکە،ئانکو بەری تۆ بچییە سەر جهێ خوە،گۆهێ خوە بدە سترانەکێ یان مۆزیکەکێ،یان ژی پەرتووکەکێ بخوینە،داکو وان هەموو کێشێن تۆ پێ سەرقال بووی ژبیرا تە ببەن.
10.ڤەخوارنێن کحوکی کێمبکە،هەر چەندە گەلەک ڤەخوارنا کحولی دێ خەوا تە ئینیت،بەلێ دەمێ تۆ ژ خەو رادبی دێ تۆشی سەر ئێشانێ و چەندین جۆرێن نە رحەتیێ بی.
11.بەری نڤستنێ جگارێ نەکێشە،ئه‌و كه‌سێن کو جگارێ دکێشن،دڤێت ب کێمی 4 دەمژمێران بەری خەوێ جگاران نەکێشن.
12.دوورخستنا گیانەوەران د ژوورا نڤستنێ ڤە،بۆ نموونە نابیت پشیک و سە د ژوورا خەوێ ڤەبن.
13.هەولبدە چارەسەریا خۆهدانێ بکە د دەمێ نڤستنێدا.
