13 سالان ئەز د زیندانێن حوكمەتا بەعس دا مام و نەیێ پەشێمانم
سالار محەمەد دۆسكی:
4-7
ئێكی گۆتێ ئاڤێ نەدەنێ دێ ب ئاڤێ مریت و ئەوا پەیوەندی ب فرۆكێ كر و گۆتێ وەر ڤی برینداری ب بە و ژ بەر نەبوونا جهەكێ راست فرۆكە نەدشیا راوستیت، و فرۆكە پیچەكێ نزم بوو و دەستێن من گرێدابوون و دو جندیا بلندكرم و ئێك فرۆكێ دا بوو و كێشام هاڤێـتمە فرۆكێ دا و خشاندم و چونكە برینا من ساربوو و ئێدی گەلەك ئێشام و هەمان دەم ئەوا گۆت خوە نەلڤینە و فرۆكێ برمە پشتا شێخان داناین و هەڤالێ من ژی یێ بریندار ل گەل من بوو و من هاژێ نە ب بوو و دەنگو بەلاف بوو كو دو بریندارێن پێشمەرگەی ئیناینە شێخان و ئەرەب گەلەك هاتن و دەردورێن مە كرنە قەربالغ و گۆت دڤێت بكوژن و ئێك هاتە ەف من و پرسیار ژ من كرن ناڤێ تە چیە خەلكێ چ دەڤەری؟ من شنی زانی هەڤالێ من تەمەر شەمید تەمەر خەلكێ خەتارێ بوو كو ل گەل مە هاتیە گرتن و ئەم هەر دو ئێك رۆژ ژ دایك بووینە 2/7/1963 ئەو خەلكێ خەتارێ بوویە و ئەز خەلكێ ئیسیا بوویمە و بەری شەری مە ئێك دو دیت بوو و ئەو بەری من ب بوو پێشمەرگە و ترۆبێلەكا هەوار هاتنێ ئینا و ئەم تێدا درێژكرین و بەرێ ترۆمبێلێ دا باژێێ مویسل و ئەو كەسێ پرسیار ژ من كری ناڤێ موختارێ گوندێ مە گۆت گۆتە من تو نیاسی؟ من گۆتێ ئەو خالێ منە و برایێ دەیكا منە و ئەوی نەهێلا عەرەب بهێنە مە و ئەگەر عەرەب دا مەتەمام كەن و عەرەب هاتبوونە پشتا شێخان نێزیك ماعسكەری و ئەوێن عەرەب هتافات گۆتن و ناڤێن سەدامی و گۆتن دڤێت ئەم ئەوا هەر دو بریندار بكوژین و ئەوی كەسێ پرسیار ژ من كرین ئاخفتن گۆتنە عەرەبا گۆتێ شفێدی هێرش كریە هەوە و گەلەك ژ هەوە كوشتینە و هوون نەشیاینە چ بكەن و بلا هوون بلا هەوە وێگاڤێ كوشتبانە نە برینداری كەفتینە دەستێن هەوە و ئێخسیر بووینە و گۆت یێ دەستێن حوكمەتێ دا و ئەگەر ێن كوشتنێ بن حوكمەت دێ كوژیت و ئەو كەس مدیر ئەمنێ شێخان بوو و عەرەب بوون و ئەڤی ئەف ئاخفتنە گۆتن نە ژ بەر چاڤێن مە و گەلەك حەژ مە دكر بەلكو دڤیا ئەم ب مینن بۆ وەرگرتنا پێزانینا بوویە و ئەمە برینە مویسل و برمە ژوورەكێ و چەند نوژدار تێدا هەبوون و پشكینیا من كر و گۆتن زكێ وی یێ دروستە و راكرم سەحكرنە پشتا من و گۆتن پشتا وی بریندارە و گولە ب مێلاكا وی كەفتینە و بتنێ من ئاگەه ژێ هەبوو دگۆتنێ میێن سینگێ وی ب تراشن و نافبرەكێ چاڤێن من ڤەبوون من دیت یێ ل هنداف سەرێ من و دەڤێ وانێ گرتیە و ئێك ژ وانا دەستێ خوە دانا سەر چاڤێن من و گۆتن و ئێدی من چ تشت نەدیتن و هەتا سەحەرێ و بتنێ ل سەر تەختەكی یێ درێژ كربووم و بتنێ و سپێدێ ئێك هات و سوندەك ڤێ بوو گۆت ئەف سوندە دێ دفنا تەرا كەم و هەتا ئەف سوندە دچیتە مەعیدێ تە و من گۆتێ بلا و سوندە ئینا گەهشتە گەویا من و من نەهێلا و دلێ من لێدا و گۆت هەتا سباهی تو نەهێلی چ رێكێن دی نین و دڤێت ئەف سوندە بچیتە مەعیدەی دا و هێدی هێدی سوندە دەربازكر و چوو مەعیدێ من دا و ئەز ڤەگوهاستمە ژوورەكا بچوویك بتنێ جهێ تەختەكی بوو و دەمێ نوژدار دهات پێن وی دچوون بن تەختی هەتا پشكنیێنن من كربان و هەر دناف نەخوشخانا مویسل دا و دووماهی من زانی نەخوشخانا لەشكەری یە و بتنێ دو شەڤان ما و ل شەفا دەسپێكێ من گۆت گەلەكێ تێشم و ئەوا شرانقەك بوومن دانا و ئێشا من كێم بوو و شیا بنفم و رۆژا دووێ ئێڤاری ژی من داخاز كر شرانقەكێ بوومن بدانن و ئێكا دی ژی دانا و رۆژا سیێ من داخاز كر شران قە و ئەوا نەهێلا و گۆت دێ فێربی و من نەشیا خوارنێ بخوەم وبتنێ من سێلان وەرگرت و ئەمنا مویسل هاتن و من نەزانی ئەمنا مویسلە و بتنێ من پەنجەركێ دا گوهلێ دبوو دگۆتن ئەوی مغربی بینە ڤێرە و نوژداری گۆت نەشێـت بهێت مە نشتیەگەریا مەزن بۆ ئەنجامدایە و ئەمنێ گۆت ڤێت بینن و نافبەینەكێ دكتور هات گۆت دێ شێیی رابی من گۆتێ بەلێ و من زكێ خوە گرت و سەر كورسیكەكێ رونشتم و ئەوێ ئەمنێ گۆت تەڤێت دانپیدانێ بكە تەڤێت دێ شاهدەكی بووتە ئینمە ڤێرە و هەر ئێكسەر ئەف گۆتنە كر و گۆت
ئەگەر تو دانپیدانێ بكەی سزایێ تە سالەكێ بۆ سالەك و نیڤانە و ئەگەر ئەم شاهدی بینین و ئەم شەری دا هاتینە گرتن و مە ئیمزا كریە و مە هارب كریە و ئێكسەر ئەز ئەوا گەهشتم و بتنێ ئەوا پێزانین ڤێن چونكە ئەم خەلكێ دەڤەرێ نە و دەڤەرا مە جهێ هاتن و چوونا پێشمەرگەی یە و من گۆتێ دانپیدانێ ل سەر چ بكەم؟ گۆت دانپیدانێ بە تو مغربی من گۆتێ ئەز نەمغربم و ئاخفتنا خوە دوبارەكر گۆت بتنێ تە دو رێك هەنە ئەگەر شاهدی بینین بتنێ سزایێ تە سێدارەدانە و ئەگەر تە دانپیدان كر دێ سالەكێ هەتا سال و نیڤا هێیە زیندانكرن و من گۆتێ شاهدی بینە و مە 41 رێكخستی ل گوندی هەبوون و من هزر كر نە كو ئێكێ گوندی گرت بیت و ئەوا گۆت بیت جلال هاتیە گرتن و نەكو دانپیدانێ ل سەر مە بكەت و من هزركر كەسەك هاتبیت هەر ئەوان ئەە گۆت بیت و لەوا ئەمنا بەحسێ شاهدا دكەت و من گۆت مرۆفن بەلكی ترسیابن و هەر دئاخفتنێن خوە دا گۆت تو 1979 هاتیە رێكخستن و هەر من هزر كر هەڤالەكێ مە یێ رێكخستنێ ئەف پێزانینە گەهاندینێ و خوە رادەست كریە بەری ئەز پێزانینا بدەمێ و گەلەك ترسیارم و من گەلەك هزرێن خوە كرن و من گۆت باشترە ئەز خوە بكوژم و سوباهی گەلەك بهێمە ئێشاند و دانپیدانەكێ بكەم و دەمێ هاتیمە ژوور چارچاڤەك لبن تەختی بوو و من دەستێ خوە گەهاندێ و من كرە دو پرت و من ب تەختی ڤە گرێدا و ئێخستە حەفكا خوە و من كێشا و بزاڤێن خوە كوشتنێ من دەست پێكرن و چاڤێن من وەرمت و سەرێ من گۆت شیژنێ تێرا چن و سێ جارا من بزاڤ كر وەكی دەستێ من سست بوو ئوكسجین جارەكا دی دهاتە ڤە و ئەز نەشیام و من گۆت سوباهی ل جهێ دەست ئاڤێ دەمێ من دبەنێ دێ بزاڤا خوە كوشتنێ كەم وبەری وی دەمێ برین پێچەكی
دەمێ دەرمانكرم تبلێن خوە تێخستنە ناف برینا من دا و گەلەك ئێشاندم و هەر من گۆتێ تو نەمرۆڤی مرۆڤایەتی ل دف تە نینە؟ و ئەوی برین پێچی گۆت ئەوێ، هەوە كوشتین مانە موسلمان بوون و دەمەكی نوژدار هات توركمان بوو و هات من گۆتێ بلا ئەڤە من دەرمان نەكەت گۆتی بۆ چی من گۆتێ برینێن من تێشینت و رۆژێ دو سێ جارا ئەز دەرمانكرم و ئێكسەر نوژدارێ توركام گەلەك عاجز بوو و گۆت نە نە وەنەكە و گۆتە برین پێچی كارێ مە مرۆڤایەتی و ساخكرنا ڤی مرۆڤی یە و ئەگەر ل بەر دەرگەهی ب كوژن مە شولەپێ نینە.
