13 كارگەهێن پیشەسازی ل پارێزگەها دهۆكێ دێ هێنە دانان
ئەڤرۆ
ب سەرپەرشتیا د. عەلی تەتەر، پارێزگارێ دهۆكێ و ب بەرهەڤبوونا لایەنێن پەیوەندیدار دوهی 17/4/2023 كۆمبوونا لژنا گەشەپێدانا پیشەسازی و پشتگیریكرنا پڕۆژەیێن پیشەسازی هاتە ئەنجامدان و تێدا بڕیار هاتەدان ئەرد بۆ 13 كارگەهان بهێتە تەرخانكرن.
پشتی د كۆمبوونێ دا هەلسەنگاندنا پڕۆژەیێن كارگەهێن هاتینە پێشكێشكرن هاتیە كرن، لژنا ناڤبری ئەردێ پیشەسازی بۆ 13 كارگەهان د بیاڤێن (بەرهەمئینانا بۆریێن كۆنكریتی، بلۆكێن ئاسایی، داگرتنا بوتلێن غازا شل، بەرهەمئینانا سپیاتیان، تانكێن ئاڤگەرمكرنێ، كەرەستێن ئاڤاهیان، بەرهەمئینانا كلینیسان، بەرهەمئینانا كارەبێ ژ وزا رۆژێ، چاندنا شتلێن باجانان، جپس و شەربەتێ، چار كارگەهێن عمبارێن ساركەڕ، بەرهەمئینانا فلین و دیكۆرێن خانیان و بوریێن پلاستیكی) دا دابینكر.
ژ ئەنجامێ دانا ئەردی بۆ ڤان كارگەهان زێدەباری زێدەكرنا بەرهەمێ ناڤخوەیی د بیاڤێ پیشەسازی دا دەلیڤێن كاری دێ بۆ ٨٤٩ كەسان پەیدا بن.
