140 قوتابى دێ هه‌ڤركيێ ل سه‌ر وه‌گرتنێ ل كوليژا به‌هره‌داران كه‌ن
ئه‌ڤرۆ نيوز:
پشتی وەزارەتا پەروەردێ بریار دايی کو جارەکا قوتابی ل کولیژا دھۆک یا بەھرەداران بھێنە وەرگرتن بۆ سالا خواندنێ 2015-2016، ئەڤرۆ سپێده‌هيا رۆژا ئێكشه‌مبى رێكه‌فتى 28ى خزيرانا 2015ێ نێزیکی 140 قوتابیان ل سەرانسەری پارێزگەھا دھوکێ پشکداری د ئەزموونا وەرگرتنێ ل کولیژا دھۆک یا بەھرەداران دا کر کو بڕیارە رێژەیەک ژڤان 140 قوتابیان ل دووڤ ب دەستڤەئینانا نمرێن بلند بھێنە وەرگرتن.
ژ بوو ڤێ مەرەمێ ئەڤرۆ سپێدی عه‌بد یوسف ئه‌حمه‌د رێڤەبەرێ گشتی یێ پەروەردا پارێزگەھا دھۆکێ سەرا ھولا ئەزموونا وەرگرتنێ ل کولیژا دھۆک یا بەھرەداران کر و ژنێزیک ئاگەھداری رەوشا برێڤەچونا ئەزموونێ بوو و دەستخوشی ل رێڤەبەر وچاڤدێرێن بنگەھی ناڤبری کر.
کولیژا دھۆک یا بەھرەداران ل سالا 2008 ل پارێزگه‌ها دھوکێ ھاتیە ڤەکرن و ژ پولا حه‌فتێ بنەرەتی هه‌تا 12 ئامادەیی ب خوه ڤە دگریت.
