15 بیرێن ئاڤێ بۆ قهزا شهنگالێ هاتینه كۆلان
ئهڤرۆ، بارزان مزووری:
رێڤهبهرێ گشتی یێ ئاڤا نهینهوا بۆ رۆژناما ئهڤرۆ دیار كر، بۆ ڤهگهڕیانا ژیانێ ل قهزا شهنگالێ و دهوروبهر و ڤهگهڕیانا ئاواران بۆ سهر جهێن وان رێڤهبهریا وان دگهل رێكخراوێن ناڤخوه و یێن بیانی 15 بیرێن ئاڤێ بۆ قهزا شهنگالێ كۆلاینه دگهل دانانا هێلێن ئاڤێ بۆ سهرجهم وان جهێن هێلێن ئاڤێ ژلایێ رێكخراوا تیرۆرستی یا داعش ڤه هاتینه ژناڤبرن.
ئهندازیار حازم محهمهد قنبر، رێڤهبهرێ گشتی یێ ئاڤا نهینهوا خویا كر، كار ل سهر وان ههموو بیران ب دووماهی هاتیه و دێ كهڤنه خزمهتا خهلكێ وێ قهزایێ دا و گۆت: “ئهم زێدهتر یێ بزاڤێ دكهین كو پرۆژێن زێدهتر یێن ئاڤێ ب ههماههنگی دگهل رێكخراوێن ئاڤهدانكرنا شنگالێ رادبن ئهنجام بدهین، ژ بهركو ب شێوهكێ گشتی هێلێن ئاڤێ ل شنگالێ ژناڤچوینه”.
گۆتژی: “بۆ دهڤهرێن دی ژی یێن دهرڤهی ئیدارا ههرێما كوردستانێ گهلهك پرۆژێن ئاڤێ، وهكو كۆلانا بیران و دانانا هێلێن ئاڤێ ل بهر دهستێن مهنه”.