15 خه‌له‌كێن نوو ژ زنجیرا خۆدیك یێ دهێنه چێكرن
دهۆك، شاكر ئه‌تروشی:
15 خه‌له‌كێن نوو ژ زنجیرا درما (خۆدیك) بۆ هه‌یڤا ره‌مه‌زانێ یێن دهێنه وێنه‌كرن و ناڤه‌رۆكا هه‌ر خه‌لكه‌كێ ل دۆر بابه‌ته‌كێ رۆژانه یێ ژیارا خه‌لكی یه، ب تایبه‌ت د بۆارێ جڤاكی دا و ئه‌ڤ دراما دێ ل سه‌ر شاشا (ئه‌ی تیڤی) هێنه نیشادان و ئه‌كته‌رێن پشكدار ژ دهۆك و زاخۆ و ئاكرێ نه.
مه‌هدی مۆنیر، نڤیسه‌ر و ده‌رهێنه‌رێ وێ درامایێ، هه‌روه‌سا وه‌ك ئه‌كته‌ر ژی پشكداری د چه‌ند خه‌له‌كان كریه، بۆ رۆژناما ئه‌ڤرۆ گۆت: مه بزاڤا كری ئه‌م ئاریشه و گازندێن خه‌لكه‌كی ب رێیا درامایێ بگه‌هینین، له‌ورا هه‌ر خه‌له‌كه‌ك بابه‌ته‌كه، بۆ نموونه زارۆیه‌كی ب ناڤێ (ئایتاج) حه‌زا گرتنا وێنان یا هه‌ی دایكا وی پشته‌ڤانیێ لێ دكه‌ت و پشكداری خوله‌كێ دبیت، پشتی خول ب دووماهی دهێت ئه‌و زارۆ دبیته سه‌ركه‌فتیێ ئێكێ و هه‌ڤاله‌كێ وی وێ مزگینیێ دگه‌هینیتێ.
