15 سه‌نتیمه‌ترێن به‌فرێ ل سه‌رزێری بارین
به‌رواری بالا، زنار تۆڤی:
ل شه‌ڤا بۆری پێله‌كا دی یا سه‌رمایێ ده‌ڤه‌را به‌رواری بالا ڤه‌گرتیه و د ئه‌نجامدا رێژه‌كا باش یا به‌فرێ ل سه‌نته‌رێ ناوچه‌داریا كانی ماسێ یا سه‌ر ب ده‌ڤه‌رداریا ئامێدیێ ڤ باریه و سه‌قایێ وێ ده‌ڤه‌رێ گه‌له‌ك ساربوویه، رێكێن سه‌ره‌كی یێن هاتنوچوونێ ل كانی ماسێ و ده‌رگه‌هێ سه‌رزێری ژ به‌فرێ هاتینه رامالین و هاتنوچوونا وه‌لاتیان نوكه یا ئاسایی یه.
مسته‌فا ئه‌حمه‌د، ژ هۆبا چاندنا ناوچه‌داریا كانی ماسێ، بۆ رۆژناما ئه‌ڤرۆ دیار كر، ل شه‌ڤا بۆری پێله‌كا دی یا به‌فرێ ده‌ڤه‌را كانی ماسێ ڤه‌گرتیه و د ئه‌نجام دا 9سم به‌فرێ ل سه‌نته‌رێ ناوچه‌داریا كانی ماسێ و 15سم به‌فرێ ل خالا گۆمركا سه‌رزێری بارینه و سه‌قایێ وێ ده‌ڤه‌رێ گه‌له‌ك ساربوویه.
مسته‌فای گۆت: “12 ملیمێن بارانێ ژی ل سه‌نته‌رێ ناحیا كانی ماسێ بارینه، د هه‌مان ده‌م دا ل گه‌له‌ك گوندان سه‌رمایێ زیان گه‌هاندیه كولیلكێن داروباری و سڕێ برینه، ئه‌ڤ ساله سه‌رجه‌مێ گشتی یێ بارینا باران و به‌فرێ ل ناوچه‌داریا كانی ماسێ گه‌هشتیه 646ملیمێن بارانێ”.
