150 ملیۆن لیترێن گازا سپی ل سه‌ر وه‌لاتیان دێ هێنه به‌لاڤكرن
ئه‌ڤرۆ:
وه‌زیرێ سامانێن سروشی ل حوكمه‌تا هه‌رێما كوردستان دیار كر، ئه‌و ل گه‌ل وه‌زاره‌تا نه‌فتا ئیراقێ رێككه‌فتینه بۆ دابینكرنا 150 ملیۆن لیترێن گازا سپی بۆ هه‌رێما كوردستانێ و دبێژیت: ئه‌و 150 ملیۆن لیتره ب سێ قووناغان ل سه‌ر وه‌لاتیان دێ هێنه به‌لاڤ كرن.
كه‌مال ئه‌ترووشی، وه‌زیرێ سامانێن سروشی ل حوكمه‌تا هه‌رێما كوردستان خویا كر، د قووناغا ئێكێ دا و د ڤان رۆژان دا 50 ملیۆن لیترێن گازا سپی دێ گه‌هنه گوندێن ده‌ڤه‌رێن چیایی، د قووناغا دویێ دا 50 ملیۆن لیترێن گازا سپی ل سه‌ر ناحی و قه‌زایان دێ دێ هێنه به‌لاڤكرن و د قووناغا سێیێ ژی دا 50 ملیۆن لیترێن گازا سپی ل سه‌ر باژێرێن مه‌زن دێ هێنه به‌لاڤكرن.
ل دۆر بها و كوالێتیا وێ گازا سپی وه‌زیرێ سامانێن سرۆشتی بۆ رووداو گۆت: “ئه‌و گازه ژ ده‌رڤه دێ هێت و كوالێتیا وێ دێ یا بلند بیت، حوكمه‌تا ئیراقێ لیترێ ب 750 دیناران دكریت و ب 400 دیناران دفرۆشیته هه‌رێما كوردستانێ، ئه‌م ژی ب تنێ دێ بهایێ ڤه‌گوهاستنێ هاڤێینه سه‌ر لیترا گازێ كو دێ چه‌ند دیناره‌ك بن و ل سه‌ر وه‌لاتیان به‌لاڤ كه‌ین”.
