153 دۆكان ل سه‌ر خێزانێن كێم ده‌رامه‌ت دێ هێنه به‌لاڤكرن
ئه‌ڤرۆ:
ل دووڤ راسپارده‌یێن دكتۆر عه‌لی ته‌ته‌ر، پارێزگارێ دهۆكێ 153 دوكان ل كۆمه‌لگه‌ها دومیز یا سه‌ر ب ناوچه‌داریا فه‌یدیێ ڤه، ل سه‌ر خێزانێن هه‌ژار و كێم ده‌رامه‌ت دێ هێنه به‌لاڤكرن.
پشتی كارێ بازارێ هه‌ڤچه‌رخ ل كۆمه‌لگه‌ها دومیز ب دووماهی هاتی، ل دووڤ راسپارده‌یێن دكتۆر عه‌لی ته‌ته‌ر، پارێزگارێ دهۆكێ دوكانێن وی بازاری كو ژ 153 دوكانان پێك دهێن، ل سه‌ر خێزانێن كێم ده‌رامه‌تێن خوه‌جهێن سنوورێ ناوچه‌داریا فه‌یدیێ دێ هێنه به‌لاڤكرن.
ئه‌و دوكانه ل دووڤ هنده‌ك مه‌رجان و ب رێیا تیروپشكێ دێ هێنه به‌لاڤكرن و مه‌رجێن پێدڤی بۆ پێشكێشكرنا داخوازیێ ئه‌ڤه‌نه: (دڤێت داخوازكه‌ر خوه‌جهێ ره‌سه‌ن یێ ناحیا فه‌یدیێ بیت ب گوند و كۆمه‌لگه‌هێن وێڤه، دڤێت داخوازكه‌ر یێ بێ مووچه بیت، دڤێت داخوازكه‌ر خێزاندار بیت، دڤێت داخوازكه‌ر ئاكنجیێ خانی بیت و خانی ملكێ وی نه‌بیت و دڤێت داخوازكه‌ر سۆزنامه‌یه‌كا یاسایی ل دادنڤیسێ ل سه‌ر خوه بده‌ت كو ئه‌ڤ هه‌موو مه‌رجه ل نك هه‌بن)، هه‌ر خێزانه‌كا ئه‌ڤ مه‌رجه ل نك هه‌بن، دشێت داخوازیه‌كێ هه‌ر ژ رۆژا 3/1/2022 هه‌تا 3/2/2022 پێشكێشی رێڤه‌به‌ریا ناحیا فه‌یدیێ بكه‌ت، هه‌موو داخوازی ژلایێ وێ لژنا ژلایێ پارێزگارێ دهۆكێ ڤه بۆ به‌لاڤكرنا وان دوكانان هاتیه پێكئینان؛ ل به‌رچاڤ دێ هێنه وه‌رگرتن و هووربینی ل سه‌ر هێته‌كرن و ب ب رێیا تیروپشكێ دێ هێنه به‌لاڤكرن.
