155 جاددەیێن ناڤخوەیی ل سەنتەرێ دهۆكێ دێ هێنە قێركرن و كۆنكریتكرن
پارێزگەها دهۆكێ رازیبوون ل سەر تەرخانكرن و مەزاختنا گوژمێ پێنج ملیار و 300 ملیۆن دیناران ژ بودجا پارێزگەها دهۆكێ ژ بۆ جاددەیێن ناڤخوەیی ل سەنتەرێ باژێرێ دهۆكێ، ب تایبەت ل گەرەكێن كەڤنار دیاركریە.
ئەو گوژمێ پارەی ژ بۆ سێ پڕۆژەیان هاتیە تەرخانكرن، كو ئەو ژی ئەڤەنە:
1- قێركرن و كۆنكریتكرن و سەخبێركرنا جاددەیێن ناڤخوەیی ل تاخێن گژەبەرا، بەڕۆشكێ، سەرهلدان، كانی مەهمەدكێ و گەلی، سەرجەمێ وان دبنە 113 جاددە.
2 – قێركرن و كۆنكریتكرن و سەخبێریكرنا جاددەیێن ناڤخوەیی ل تاخێ رەزا، سەرجەمێ وان دبنە 24 جاددە.
3 – قێركرن و كۆنكریتكرن و سەخبێریكرنا جاددەیێن ناڤخوەیی ل تاخێ مالتایێ، هەردو مالتایان، سەرجەمێ وان دبنە 18 جاددە.
