16ی تەباخا 1984ێ پێشمەرگەی دناڤا جەرگێ دوژمنی دا شیان زریپۆشەكێ ب سۆژن
دیدار، سالار محەمەد دۆسكی:
فەرماندێ پێشمەرگەی، عیسا علی محمد یێ بەرنیاس ب عیسی زێوەی ل رێكەفتی 12/3/1962 ل گوندێ زێوە شفیق، ژ بنەمالەكا هەژار ژدایك بوویە و بابێ وی كارێ شڤانیێ دكر، عیسا زێوەی ل گەل هەر دو برایێن خوە (عومەر و موسی) كارێ گاڤانیێ بۆ ماوێ دو سالان كر.
پێشمەرگێ شوڕەشا 26ی گولانا پێشكەفتن خواز، عیسا زێوەی بۆ رۆژناما ئەڤرۆ گۆت: ل سالا 1969 بوومە قوتابی ل خواندنگەها گوندی و دووڤ دا مالا مە هاتە دهۆك و هەمان دەم من دەست ب نڤێسینا هۆزانان كر و پشكداری ل چەندین كورێن هۆزانخاندنێ دا كر ل (زاخو و هەولێر و سلیمانی) و ل سەر نڤێسینا هۆزانا چەند جار ئەمنێ گازی من كریە و ڤەكولین ل گەل من كریە.
زێوەی، ل سالا 1977 دبیتە ئەندامێ پارتی رێكخراوا شەهید (سعید پیران) بەرپرسێ وێ (عبدالقهار صاركی) بوو، گۆت: جارەكێ شەهید (محمود ئێزدی) جابا من فرێكر لپشتا گوندێ طەلوە من دیت و هندەك بەلاڤوك دانەڤ من گوت ڤێت هین بەلاڤە بكەن، و من و خالێ خو شەهید (دلوڤان بێسكی) بەلاڤكرن، دیسا ناڤێت كونگرێ (9) یێ پارتی ل سالا 1979گەهشتینە مە من و خالێ خۆ بشەڤ ل عامودەكا كارەبێ دان كو دكەتە بەرامبەری قوتابخانا برایەتی ، وی دەمی حوكمەتا عیراقێ هندەك ترومبێلیت فەلاحا تومار دكرن و دەمێ قوتابیا ئەو بەلاڤوك و ناڤ دیتین ئێكی دگوتە ئێكی هەرن بەرێ خو بدەنە عامودێ ناڤێت فەلاحا یێت دەركەتین، وی دەمی (سەربەست بابیری) قوتابی بوو دگەل مە زۆرێ زیرەك بوو و بەرپرسێ رێكخراوا (شەفەق) بوو ، ل 1979 رێكخراوا مە ئاشكرا بوو وی دەمی قوتابیێ پێنجێ ئامادەیی بەشێ زانستی بووم و نەچاربووین دەركەڤین و گەهشتینە پێشمەرگەی ل گەل (خالد بانی و سلو خدری) دووڤ دا بۆ لقێ ئێك و دووڤدا لژنا دهۆك هاتمە ڤەگۆستن، دگەل پێشمەرگەی مام و بوومە كادر و پاشی جێگرێ مەفرەزا (عبداللە گەلناسكی) بوومە ئەندامێ لژنا دهۆك بەشێ لەشكری، و پتر ژ 40 چالاكیێن لەشكری تێدا پشكداربووم و پتریا چالاكیان بەرپرسی و پلان دانان و چاڤدێریا وان من كریە، لبیرامنە هەیڤا 8/1980(عبداللە گەلناسكی) بەرپرسێ شانەیەكا سەرەكی بوو ئەز و شەهید (محمد صالح بوتی) ئاگادار كرین كو دگەل وی هندەك ئەرزاقی بو خێزانا وی پەیداكەین، دەمێ ئەزو كاك( محمد صالح) زڤرینە دەڤەرێ مە هەردوكان سوزدا بێی چالاكی یەكا لەشكری ژدەڤەرێ نەزڤرین، و ئەم رێك كەفتین لسەر جهەكێ دەست نیشان كری ژلایێ مەهەردوكا بتنێ ڤە، ل شەڤا 24- 25 /9/1980 لدەم ژمێر دووی شەڤێ مە بویسەك داناسەر پـرا گرێ قەسروكا كو دكەڤیتە دناڤ بەرا رەبیا گرێ عەمێ و گوندێ گرێ قەسروكا وی دەمی هندەك سەربا ز ژرەبیا گرێ عەمێ دهاتن بو وەرگرتنا ئازوقەی ژبارەگایێ سریا گەلیێ دهوكێ ئەم ماینە دبویسێ دا ڤەشارتی بو مـاوێ هەشت دەم ژمێرا هەتا كو دەم ژمێر دەهی روژێ وی دەمی ئەو سەرباز گەهشتنە دناڤ بویسا مەدا باوەر بكـــــەن ئەم دناڤ پەرژانێ بیستانێ برەخ جادێ ڤەبووین، مە داخازا تەسلیم بونێ ژێ کر زور تشتەكێ غەریب بو، گەلەك سەرباز ژرەبیا گرێ عەمێ دەركەت بوون و هاتبونە پشت مە لناڤ بیستانی و مەنەدزانی ئەڤجا دەمێ مە داخازا تەسلیم بوونا وان سەربازا كری ئەوان خو نەدا دەستێت مە، ئینا مە ئێكسەر تەقە لێ كر و هاتنـــــە كوشتن بەلێ ئەو سەربازێت دناڤ بیستانی دا ئەوان ژی تەقە ل مەكر و ئەز بریندار بووم و تڤەنگا من ژێك بژكانـد، وی دەمی شەهید (محمد صالح بوتی) هاری من كر و ئەم دناڤ بیستانی دا هاتینە خارێ بو لایێ (پیرومەرا) ڤە وەمە دناڤ دەحلەكی دا خو ڤەشارت پاشی هێزەكا دوژمنی ژ مەغاویرو لیوا (14) یا دهوك هات بو لێگەریان لدیف مە و ئــــەڤ جهە لبەراهیكا مە گرتن گوندێن(گەرماڤا، پیرومەرا، بوتیا، لیناڤا، كێڤـلا) وی دەمی دگوت خو تەسلیمی مە بكەن ئەم چل هەوە ناكەین وی دەمی و دوی حالی دا د ناڤ دەحلێ تەرو تاری دا مارەكی دنــــــاڤ شەلوالێ من دا سەرێ خو بلند كر دیارە بێهنا خوینێ هەلكێشا، بەلێ شەهید (محمد صالح) دەمێ لڤینا مــــاری د شەلوالێ من دا ئەوی هزر بلیڤەنەكا غەریب ژمن كر پشتی مار دیتی زانی چ جورە لڤینە، بەرەك هێدی دانا شەلوالێ من، من ژی گوتێ ئەو چ بەرە تو ددانیە من ؟ سەرێ خو هەژاند ژبەر كو دائەز نە ترسم گوت چنینە، مەغرەب ژ دەحلی دەركەتین و مە قەستا گوندێ لیناڤاكر و شەهیدی جار ملـــێ من دگرت و جار ژی ئەز دهەلگرتم، گرنگە رۆلێ وەلاتیێ قەهرەمان (تاهرحجی محێ لیناڤای) ژبیرنەكەین ، دەمێ گەهشتین (شەهید محمد صالح) قەستا مالا (تاهر لیناڤای) كر بەلێ هەر ئێكسەر زڤری و گوت رابە دوژمن یێت دناڤ گوندی دا، مە قەستا گرێ بوتیا كر و مە جهێ خو لبەر كەلەكەكـا بەرا دبن مێوەكێ را چێكر ، ل روژا 26/9/1980 شەهید جلكێت خو گوهارتن و قەستا دەوروبەرێت گوندێ بوتیا كر هەتا كو دەیكا خویا خوشتڤی (عەزە م) دیتی و ئەڤێ ژنا هندە ب وەفا و چەلەنگ و كورد پەروەر رابو پارزینەك تژی نان و پێخارن و دەرمان هەلگرت و قەستا نــاڤ رەزی كر برەنگەكی هەروەكی یا هاتی بو مالا خو داراو تركا كوم دكەت هە تاكو گەهشتیە دەف مە، بو ماوێ (10) روژا و شەهید فخری برایێ محەمەد سالح هەرو سپێدێ زی و بشەڤ درەنگ داهێــت و من دەرمان كەت، ودەیكا خوشتڤی هەمی سپێدەهیا رەنگە تاری تێشت و فراڤین و شیڤا بومە ئینیــت، دووڤ دا هاتمە ڤەگوهاستن بۆ چەند دەڤەرا و هەتا ساخ بوویم و زڤریمە دناڤ پێشمەرگەی دا.
عیسا زێوەی، بەحسێ چەند عەملیاتێن خوە دكەت و دبێژیت: روژا 8/2/1982 كومبونەك ل گەلیێ هەسناڤاكێ ل گوندێ گەلناسكێ هاتەكرن و بریار هاتە دان كو چالاكیەكێ دناڤ باژێرێ دهوكێ دا بكەن، و (عاید دەرگەلی) سەرپەرشتیێ دناڤ رێكخراوا (شەهید ئەحمەد حاجی حسین) دكر و ( سادق گەلناسكی) بەرپرسایەتی یا وێ دكر، ئەڤ چالاكیە ژوان چالاكیا بو ئەوێن گەلەك رێڤەچونەكا درێژ ب ماوەیەكێ كورت هەبوو، ژ گەلیێ هەسناڤاكێ دەسپێكر وێ شەڤێ گەهشتنە چیایێ بێسرێ ل هنداڤی تاخێ (پێشەسازی) ل دهوكێ و لوێرێ مان هەتا كو شەڤا پاشتر و پاشی دەربازبوون ژ جاددێ لایێ تاخێ پێشەسازی بو لایێ گوندێ (نزاركی) و پشت نەخوشخانا ئازادی هەتا كو گەهشتینە لبن یانا وەرزەشی یا دهوكێ و پاش دەرباز بوون بۆ تاخێ خەستێ لجهێ پرا خەستێ ئەوا دكەڤیتە بن یانا وەرزشی لدهوكێ هەتا كو گەهشتینە نیزیكی مزگەفتا تاخێ شێلێ، ئارمانجا مە دو جهێن دوژمنی بوون، (رەبیا گورستانا فەلا) نیزیكی قەسرا كەنبەلانی، و ( رێڤەبەریا تجنید دهوكێ) ل دەمژمیر 8 شەڤ 9 لسەر 10/2/1982 شەڤەكا تاڤ هەیڤی بو و ساهی بوو ئاگرێ چەكێ پێشمەرگەی یێی سڤك وگران ئاراستەی جهێن دوژمنی بوو و هەر زیكا دوژمن بێ دەنك بوو وپشتی گورزەكێ گران ڤێ كەتی رولێ پێشمەرگەی شەهید (دلوڤان بێسكێ و محمد تاهر بێسكی ) ژبیر نەكەین رولەكی مێرانە هەبوو و پێشمەرگە ب سلامەتی ژ جهێن خوە خوڤەكیشا و پێشمەرگە ل سەر رێكا خوە هات بۆ گوندێ شندۆخا بۆ گوندێ گەڤەركێ و كەتنە دبیسەكا ئیك جار زۆر یا جیشی و ئەمنێ و ئیستخباراتا دهوكێ ئەو بوو شەرەكێ پتر ژ چار دەمژمێران ڤەكیشا د ئەنجام دا زیانەكا مەزن ب دوژمنی كەت و پێشمەرگەی جل وبەرگێن لەشكرێ عێراقێ كربوونێ و دناڤ مالا مختارێ گوندێ گەڤەركێ شەر گەهشتە دناڤ خانی دا و شەر ژ هاڤێتنا گولا دەركەت شەر بوو شەرێ خوە لێكدانێ دناڤ بەرا سیخورەكێ ئەمنێ كو وی دەمی زۆر ێی بناڤ ودەنگ بوو ل دهوكێ ب ئازاردان و ئیشاندنا خەلكێ و هاتە كوشتن ل دوماهیێ زیانەكا ئێك جار مەزن ب دوژمنی كەفت.
زێوەی بەحسێ نەوروزێ دكەت و دبێژیت: پێشمەرگێ چاڤ نەترسێ هزر دكر ئاگرێ نەوروزێ ب گوللێت پێشمەرگەی هەل بكەن دناڤ جەرگێ دوژمنی دا، 20ئادارا 1983 رێپیڤانەكا درێژ مە كر ژ گوندێ گەلناسكێ دەست پێكر هەتا گەهشتینە (كەرەجال)ی ل ئێڤاریـــــــا 22/3/1983 هەڤالێت مە شیان جهەكی دەست نیشان بكەن ئەوژی لسەر جـــادا گشتی یا بەروشكێ ل نێزیك (قەسرا عەلی ئەفندی) ئەڤ جهە ئارمانجا سەرەكی یا پێشمەرگەی بو لدیڤ، تەكتیكا ڤی شەری پلانەكا غەریب بوو، پلان ئەو بوو مەفرەزەكا پێشمەرگەی بچیتە بەر مەركەزێ بەروشكێ و تەقێ لێ بكەت و بدەنگەكێ بلنــــد گازی بكەن (هجومە) و ژجهێ خو نەرابن . بەرپرسایەتیا ئەڤێ مەفرەزێ شەهید(محمد مەمێ دێرگژنیكـی) دكر، ناڤێ شەڤێ كاوە نەوروز بـوو و ل دوماهیێ دوژمن شکەستو پێشمەرگە ب سەرکەفتی دەرباز بوو.
عیسا زێوەی بەحسێ ساخكرنا 16ی تەباخێ كر ل سالا 1984ێ و گۆت: جهێ دەست نیشانكرنا ڤێ جارێ روژ ئاڤایێ دهوكێ دناڤ بەرا گوندێ (كێڤلا و سێجێ) سكرێ دهوكێ جوەكا مەزن یا ئاڤێ هەر ژروژ ئاڤایێ دهوكێ دەست پێ دكر هەتا كو دگەهشتە باكورێ سێمێلێ و كومپانیەكا پاكستانی چێ دكر و ژیانا كارمەندێن كومپانیێ ژلایێ حكومەتا عێراقێ ڤە هاتبوو مسۆگەركرن، ئارمانجا پێشمەرگێ لیژنا دەڤەرا دهوك ئەو بوو بوسەیەكا بەر فرەه و درێژ و رێك وپێكری دانا بەر ڤێ هێزێ (18) پێشمەرگە دپشكداربوون و هێزەكا دوژمنی ژلایێ باژێرێ دهوكێ بو لایێ بوسێ ڤە هات و هەمی پێشمەرگەی ب ئێك دل گورزێن خو دانە هێزا دوژمنی و شیان زریپوشێ ئاگری تێ بەر دەن و شەرەكێ ئێك جار خورت و دژوار دەست پێ كر پتر ژ سەعەتەكێ ل وێ دەشتا دناڤبەرا گوندێ (سێجێ و كێڤلا) و دوماهیێ دا دوژمن شكەست و چەندین جەنازێت خو هێلانە د دستێ پێشمەرگەی دا و پێشمەرگە ب بلنكرنا ئالایێ زەر و دەوات و سەما لسەر كەلەخێ زریپوشا دوژمنی دكر.
