16 تهباخێ ههست و بهرپرساتیهكا دیرۆكى بوویه ل بهرامبهرى بندهستیا گهلێ كورد
ههلبهت بیرۆكهیا دامهزراندنا پارتى دیمۆكراتى كوردستان ل بارودۆخهكێ نازك و نالهبار دا هاته گۆرهپانا سیاسیا كوردستانێ و بێگومان وهك پێدڤیهكا دهمكى و دیرۆكى سهرهلدا و هاتهپێش ژ بهر كو خهلكێ مه تێهنى و چاڤهرێ رۆژهكا وهسا بوون رۆناهیهك پهیدا ببیت پێژانێ ل ههبوون و پێناسهیا گهلێ كورد بكهت و دیاربوو هاتنا پارتى ب وێ گهرماتنا خوهڤه ژبۆ هشیاركرن و ڤهگهراندنا باوهریا گهلێ كورد بوویه، چونكو وى سهردهمى بێئۆمێدیهك ل دهف گهلێ كورد پهیداكربوو، ئهڤه ژى ئهگهر و دهرئهنجامێ وى شهڕێ دوویێ جیهانی بوویه، د ههمان دهم دا بوویه ئۆمێدپهخشهك كو سوبههیهكا گهش بۆ گهلێ كورد برێڤهیه و راستیا ڤێ پشتى دووماهیهاتنا جهنگێ دوویێ دیاربوو، لێكڤهكرن و بهرفرهكرنا دهسههلات و بهرژهوهندیێن وهلاتێن زلهێز ل سهر دهڤهرێ دهستپێكر ل گۆر وێ سهپاندن و ڤهگرتنا دهڤهرێ هاتیه دیتن و بێگومان هاتن و دامهزاراندنا پارتى ئهگهرێن وان پێلێكرن و بهرزهكرنا بهردهواما ل سهر گهلێ كورد بوویه، ل بهر هندێ پارتى ب وێ رێبهریا خوهڤه پهیام و هشیاركرنا گهلێ كورد گههاند بوو وێ ئێكێ گهلێ كورد ل بن وێ چادرا كوردایهتیێ كۆم ڤهكهت، داكو ئێدى وێ بندهستى و كۆلایهتیا جاران نهبینن و ههروهسا بزانیت پالپشتیهك بۆ گهلێ كورد ههیه دا نهكهڤیت بهر وان لێهیێن قركرن و زۆرداریا ل سهر گهلێ مه ههیه و ئهكید ڤێ چهندێ پشتراستیى و باوهریهكا ب هێز بۆ گهلێ مه پهیداكر و ل بهر ڤێ ئێكێ ههكه ئهو لێكدانهڤێن سیاسێ درست بهێنه كرن دیاره ئهڤ سهركهفتن و نێزیكبوونا گهلێ مه ل سهر ڤێ خهونا ئیرۆ چاڤهرێ دكهت، ژ بۆ ئازادى و سهربخوهیا كوردستانێ ههمى دزڤرن بۆ وێ رێخۆشكرن و ئایدلۆژیا سالا 1946 ل سهر دهستێ رێبهر و ئهندازیارێ رێیا كوردایهتیا دروست یا بارزانیێ نهمر بوویه كو ئهڤرۆ بوویه سۆمبلا گهلێ كورد هاتیه ناسكرن و ب شانازى ڤه ئیرۆ گهلێ كورد ل دووڤ ڤێ رێبازێ گههشتیه گۆپیتكا پشتهڤانیا نێڤدهولى و راستیا ڤێ پارتێ بوویه سهركێشێ بزاڤا ئازادیخوازا كوردى و ژبهر هندێ ب سهر بلندى ڤه دبێژین بارزانى بوویه رێڤنگێ وى كاروانێ دوور و درێژێ كو ماف و داخوازیێن گهلێ مه بگههینت وێ قووناغا دووماهیێ، لهوا پهیام و دهنگێ گهلێ كورد ل سهر ئاستێ جیهانێ بهلاڤ بوویه و دیاره ئهڤ دهنگێ ئیرۆ گهلێ مه بدهستڤهئینایه كو ل سهر ئاستێ جڤاكێ نێڤدهولى و ناڤخوهیى ههمى دزڤریت بۆ وێ خهبات و ماندیبوونا بارزانى و ههڤچهپهرێن وى، چونكو هیڤى و ئۆمێدێن بارزانیێ نهمر ئهو بوو گهلێ كورد بكهت ئێك و دیاربوو ڤێ دیتنا هه كارتێكرنا خوه ل ههمى پارچێن دى یێن كوردستانێ كریه و بێگومان ههر چار پارچێن كوردستانێ پێشهوازیهكا گهرم ل هاتنا پارتى كرن و ههلبهت ئهو پشتراستى بۆ ههر كوردهكێ دروست بوو كو دێ ههبوون و پێناسا گهلێ كورد ل سهر دهستێ بارزانیێ نهمر هێته پاراستن و گرۆڤا ڤێ چهندێ ئیرۆ پارتى دهنگ و پیگهیێ خوه ل ڤان پارچێن دى یێن كوردستانێ ژى ههیه، لهوا چاڤهریه سهركهفتنا ریفراندۆما ههرێما كوردستانێ دكهن كو ئیرۆ بهر ب سهربخوهیێ دچین و ئهكید رۆژ بۆ رۆژێ ل سهر ڤێ بیركرنا هه گهشهكر، چونكو شیا وێ هزرا نهتهوهیى د سهرێ ههر كوردهكى بچینیت ودیاربوو كو پارتى ئهو باوهرى پهیداكر، لهوا خهلكێ كوردستانێ ل دۆر ئالایێ وێ خرڤهبوو، چونكو پارتى خوه وهكى حزبهكا جهماوهرى دایه نیشادان و ئهڤا هه بوویه ئهگهرێ وێ راستیا پارتى كو دێ بیته ههلگرێ وێ پهیاما كوردایهت ههتا بگههینیت ئارمانجا داویێ لهوا ههمى دهمهكى كار و بزاڤ كریه بهرهڤانیێ ژ ماف و چارهنڤێسێ گهلێ كورد بكهت و ههلبهت ناهێت ڤهشارتن و ژبیركرن كو خهبات و قوربانیدانا پارتى دۆست و دوژمنێ گهلێ مه ژى دزانن ژ بهر كو پارتى گهلهك رێك و ئهڤرازێ نهخۆش دهربازكرینه ژبۆ بدهستڤهئینانا خواست و ئارمانجێن ڤى مللهتى و ههلبهت راستیا ڤێ ل بۆرینا (71) سالێن شۆرهش و بهرخوهدانا وێ دیاردكهت و ئهكید چو لایهك نهشێن ئینكارا ڤێ چهندێ بكهت و دیاره ههمى گاڤهكێ پارتى بهرژهوهندیێن گهلێ كورد گرنكتر ژ بهرژهوهندیێن خوه دیتینه، لهوا ئیرۆ ژى پارتى بوویه خودانێ هێز و جهماوهرهكێ بهرچاڤ، چونكو پارتى ل ههر كاودانهكی ل گهل ئازارێن ڤى مللهتى ژیایه و چو جاران رهڤین و پاشكیش ژ ماف و داخوازێن گهلێ كورد نهكریه و ئهڤاهه پێخهمهتى سهروهرى و رزگاركرنا گهلێ كورد بوویه، ژ بۆ هندێ ژ وان دهردهسهریێن بندهستێ قورتال ببین و ههلبهت ئهڤه راستیا وێ یه پارتى ههمى دهمهكى خودانێ ههلویستهكێ نهگهۆر بوویه و بهردهوام بهرگرى و بهرهڤانى ژ كێشه و خواستهكێن خهلكێ كوردستانێ كریه و دیاره پارتى ل سهر ڤێ چهندێ گهلهك جاران كهفتیه بهر ههرهشه و پیلانێن دوژمنان بۆ هندێ پارتى ژ رێیێ راكهن داكو پاشكێشێ ژ ماف و داخوازێن گهلێ كورد بكهت و گرۆڤا ڤێ ئاورێ دیاربوو ئهو پیلانا نیڤدهولهتى و ههرێمى ژ لایێ دوژمن و بهرژهوهندكارێن دژى گهلێ مه ل سهر شۆرهشا ئیلۆنا مهزن كو كیشا كوردى بهر ب ئهمانێ ڤه بچیت، بهلێ خهونا وان سهرنهگرت، چونكو كوردان پارتى و رێبازهكا پیرۆز ههبوو كو بارزانیێ نهمر سهركێشیا وێ دكر، ژ بهر كو گۆتنا بارزانیێ نهمر بۆ مه دیاره كو ل سهركهفتنان مهغرۆر نهبن ول شهكهستنا ژى بێ ئۆمێد نهبن، ژ بهر هندێ پارتى چو جاران ژ ههرهشه و پیلانێن دوژمنان نهرهڤیه و ژ بهر ڤێ یهكێ بیروباوهرێن پارتى ژ ههمى گڤاشتن و سهپاندنێن دوژمنان ب هێزتر بوویه چونكو هێزا پارتى گهل و مللهتێ وێ یه و ل بهر هندێ ئیرۆ ئهڤ هێزه دیاربوویه و دشێت بهرسینگێ ههمى نهحهز و دهستێوهردانهكێ ل سهر گهلێ كورد بگریت و ژ لایهكێ دى ڤه ئهڤ راستیێن دێ ژى ههنه كو سهركهفتن و پێشڤهچوونا ئیرۆ ل ههرێما كوردستانێ دهێته خۆیاكرن ڤهرێژا وێ دیرۆكا پارتیه شیایه پیگهى گهلێ كورد بهرفرهه بكهت ئهڤێ خهبات و دلسۆزیێ ئهم ئیرۆ كرینه خودان پهرلهمان و حوكمهتا ههرێما كوردستانێ مه ههیه ل گهل ڤێ ژى شیایه ههڤالبهندى و پشتگیریا نیڤدهولهتى بۆ گهلێ كورد پهیدا بكهت و راستیا وێ ئهڤ دهنگ و هێزا ئیرۆ بۆ گهلێ كورد چێبوویه ههمى دزڤریت بۆ وێ بیرۆكهیا سالا 1946 ل سهر دامهزاندنا پارتى دیمۆكراتى كوردستان و دیاره سهنگ و بزاڤا وێ ئیرۆ گههشتیه ئاستێ بهر ب دهولهتبوون و سهربخوهیا كوردستانێ و بێگومان ئهڤ دهستكهفتێن بدهستڤههاتین ههمى بهرههم و پاشمایێن كهدا بارزانیێ نهمره، لهوا ئیرۆ دۆست و حهزژێكهرێن مرۆڤایهتی بهسن و بهرگریێ ل گهلێ مه دكهن و ل سهر ڤێ دیتنێ پشتراستین ههلگرێ ئالایێ رێبازا پیرۆزا بارزانى ههنه دێ وێ خهونا گهلێ مه گههینن قووناغا سهركهتن و و رازیبوونا گهلێ كورد، لهورا خهلكێ مه ب سهرومالێ خوهڤه ئامادهیه ل سهر ڤێ رێبازێ بهرگرى و قۆربانیان بدهت ژ بۆ ههبوون و دهستكهفتێن ئیرۆ بدهستڤههاتین، لهوا خهلكێ كوردستانێ ئامادهیا خوه كریه، بۆ رۆژا (25/9/2017) پێكڤه بۆ ریفراندۆم و سهربخوهیا كوردستانێ بێژن بهلێ، چونكی ئهو پشتراستى ههنه دلسۆز و كورپهروهرێن ڤێ رێبازى یێ سهركێشیا وێ بیرۆكهیا سالا 1946 دكهن و شانازیێ پێ دكهن كو سهرۆك بارزانى رێبهریا پارتى دكهت و ب ڤێ ههلكهفتا پیرۆز 71 سالڤهگهرا دامهزراندنا پارتى دیمۆكراتى كوردستان بیرۆزباهیێن خوه ئاراستهى ههمى ئهندام و لایهنگهریێن پارتى دكهم و سلاڤ و رێزێن من ههنه بۆ وان قارهمانێن ئیرۆ ل بهرۆكێ شهڕێ تیرۆرستێن داعش و ل بهر گهرم و سهرمایێ بهرگریێ ژ ههبوون و سهروهریا گهلێ كورد دكهن و سهرێ رێز و حرمهتێ دچهمینین بۆ وان خۆشمێرێن گیانێ خوه گۆرى كورد كوردستانێ كرین پێخهمهتى سهربلندى و ڤێ ئازادیا بۆ گهلێ كورد پهیداكرى.
