1600 وەلاتیێن شێخان دێ مووچێ كێم ئه‌ندامەتێێ ل به‌غدا وه‌رگرن
ئەڤرۆ نیوز، بارزان مزوورى:
شێروان دوبه‌ردانێ، ئەندامێ په‌رله‌مانێ عێراقێ بۆ ئه‌ڤرۆ نیوز گۆت: به‌رى نها لیسته‌ك ژ ناڤێن كه‌سێن كێم ئه‌ندام و بێ سه‌میان ل قائیمقامیا قه‌زا شێخان گه‌هشت بوونه ده‌ستێ مه كۆ موچه‌كێ هه‌یڤانه بۆ بهێتە دابین كرن ژلایێ وه‌زاره‌تا كارو كاروبارێن كومه‌لایه‌تى ل به‌غدا پشتى پێداچوون بۆ وان ناڤان هاتیه كرن كۆ ئه‌و كه‌س كێك ئه‌ندام و بێ سه‌میانن چ مووچه نینن پێدڤى ب موچه‌كێ هه‌یڤانه‌یه.
ناڤهاتى خویاكر وه‌زاره‌تا كارو كاروبارێن كومه‌لایه‌تى ل به‌غدا ره‌زامه‌ندى ل سه‌ر 1600 ناڤا هاتیه دان یێن قه‌زا شێخان و ده‌وره‌به‌ر كۆ ئه‌و كه‌س بنه خودان موچه‌كێ فه‌رمى ژلایێ كارو كاروبارێن كومه‌لایه‌تى ڤه،
ناڤهاتى گۆت: ناڤێن وان هه‌موویا ب فه‌رمى هاتینە وه‌رگرتن دڤان رۆژێن بهێت دان ب رێا نامه‌كێ دێ شێن ئه‌و كه‌س سه‌ره‌دانا نێزیكترین نڤیسینگه‌هـ كه‌ن بۆ وه‌رگرتنا مووچێ خوە یێ هه‌یڤانه هه‌ر كه‌سه‌ك لدووڤ رێژا كێم ئه‌ندامیێ دێ مووچه‌ى وه‌رگریت.
