17 ساله و چار رۆژە يا به‌رزه
ئه‌ڤرۆ نيوز:
کچەکا سەنتەرێ قەزا شێخان ب ناڤێ (میدیا حزیر مرزا) د ژیێ 17 سالیێ دا ل رۆژا 22/8/2016ێ ل دەمژمێر 3 ئێڤاری بێ ئاگەھداریا مالا خوە ژ مال دەرکەفتیە و ھەتا نوکە خێزانا وێ ل ھیڤیا زڤرینا وێ نە.
ڤانی حزیر مرزا، برایێ وێ کچا بێ سەروشوون بۆ رۆژناما ئەڤرۆ دیار کر کو خووشکا وی چو ئاریشە دگەل کەسێ نینن و ئەو پێ نەحەسیاینە ژی کو حەز ژ کەسەکی کربیت و وی کەس ب زۆری رەڤاندبیت، چونکی خووشکا وی یا بێ ئاریشە بوو و گۆت: “خووشکا من دو ھەڤال د ناڤ سەنتەرێ قەزا شێخان دا ھەنە و مە پرسیارا وان کر گۆتنە مە ئەڤە دەمەکێ درێژە ئەم دگەل ھەڤدۆ نەئاخفتینە”.
ناڤھاتی ئاماژە دا وێ چەندێ کو خووشکا وی موبایل ھەیە، بەلێ یا بێ سیمکارتە و گۆت: “مە پەیوەندی ب ھەموو گوندێن ئێزدیان و بنگەھێن پۆلیسان کریە داکو ل خووشکا من ب گەرن، بەلێ ھەتا نوکە ئەم چو ژێ نوزانینن و یا بێ سەروشوونە”.
ل دووماھیێ ناڤبری خویا کر کو وی دو برا و دو خووشک ھەنە و دەیکا وی ھێشتا یا ساخە، بەلێ بابێ وی چوویە بەر دلۆڤانیا خودێ و گۆت: “ھەر ئێک ژ مە بۆ لێگەریانا خووشکا من چوویە دەڤەرەکێ، بەلێ ھەتا نوکە ئەم چو ژێ نوزانین و تشتێ ژ ھەموویان نەخوەشتر موبایل یا ڤێ ھەی، بەلێ یا بێ سیمکارتە”.
