180 ملیۆن دینار بۆ دروستكرنا ده‌رگه‌هێ په‌رستگه‌ها لالش هاتنه ته‌رخانكرن
دهۆك، له‌زگین جوقی:
راوێژكارێ سه‌رۆكێ حوكمه‌تا هه‌رێما كوردستانێ بۆ كاروبارێن ئێزدیان دیار كر كو سه‌رۆكێ حوكمه‌تا هه‌رێما كوردستانێ ل سه‌ر دروستكرنا ده‌رگه‌هێ سه‌ره‌كی یێ په‌رستگه‌ها لالش رازیبوویه.
شێخ شامۆ، راوێژكارێ سه‌رۆكێ حوكمه‌تا هه‌رێما كوردستانێ بۆ كاروبارێن ئێزدیان بۆ رۆژناما ئه‌ڤرۆ خویا كر، ب رازیبوونا سه‌رۆكێ حوكمه‌تا هه‌رێما كوردستانێ 180 ملیۆن دینار بۆ دروستكرنا ده‌رگه‌هێ سه‌ره‌كی یێ په‌رستگه‌ها لالش هاتنه مه‌زاختن”.
ناڤهاتی گۆت: “پشتی دیزاینێ پرۆژێ ده‌رگه‌هێ سه‌ره‌كی یێ په‌رستگه‌ها لالش ژلایێ لژنێن تایبه‌تمه‌ند ڤه هاتیه په‌سه‌ندكرن، ب رازیبوونا سه‌رۆكێ حوكمه‌تا هه‌رێما كوردستانێ پارێ پێدڤی بۆ پرۆژه‌ی هاته ته‌رخانكرن و ب سه‌رپه‌رشتیا پارێزگه‌ها دهۆكێ دێ هێته ئه‌نجامدان”.
ئه‌ندازیار خالد نه‌رمۆ، سه‌رپه‌رشتێ نووژه‌نكرنا په‌رستگه‌ها لالش بۆ رۆژناما ئه‌ڤرۆ گۆت: “پرۆژێ ده‌رگه‌هێ په‌رستگه‌ها لالش ژلایێ ئه‌ندازیارێن ئێزدی و لژنا سه‌رپه‌رشتیكرنا نووژه‌نكرنا په‌رستگه‌ها لالش و جڤاتا روحانیا ئێزدیان ڤه دگه‌ل میرێ ئێزدیان هاتیه دیزاین كرن، ژ به‌ركو ئه‌ڤه پرۆژه‌كێ گه‌له‌كێ گرنگه”.
سه‌رپه‌رشتێ نووژه‌نكرنا په‌رستگه‌ها لالش گۆتژی: “د ده‌مه‌كێ نێزیك دا دێ ده‌ست بجهئینانا پرۆژه‌ی هێته كرن”.
