1800 خانی دێ ل ناحیا باتیفا هێنه تاپۆكرن
ئه‌ڤرۆ، ئه‌میر ئه‌ترووشی
رێڤه‌به‌رێ ناحیا باتیفا راگه‌هاند، دچارچۆڤێ ئێداریا سه‌ربه‌خۆیا زاخۆ دا دێ باتیفا بیته قه‌زا و هه‌موو ئه‌ردێن باتیفا دهێنه تاپۆكرن و گۆت: ئه‌م چاڤه‌رێ رێنمایێن وه‌زاره‌تا شاره‌وانی دكه‌ین دا كو ده‌ست بكارێن یاسایی بهێته كرن بۆ تاپۆكرنا ئه‌رد و خانیێن وه‌لاتیان. دێ ل باتیفا دۆرین هزار و 800 خانیان هێنه تاپۆكرن ل دووڤ رێنمایێن وه‌زاره‌تا شاره‌وانی.
فه‌رهاد مه‌حمود، رێڤه‌به‌رێ ناحیا باتیفا بۆ ئه‌ڤرۆ دیار كر: د چارچۆڤێ ئیدارا سه‌ربه‌خۆیا زاخۆ دا هه‌موو ئه‌ردێن ده‌ڤه‌را باتیفا دهێنه تاپۆكرن، دێ خزمه‌ته‌كا باش بۆ گوندێن باتیفا ژی هێته كرن و بریار ده‌رچوویه بۆ تاپۆكرنا خانیێن زێده‌گاڤی. نوكه ئه‌م چاڤه‌رێ رێنمایێن وه‌زاره‌تا شاره‌وانی دكه‌ین دا كو ده‌ست بكارێن یاسایی بهێته كرن بۆ تاپۆكرنا ئه‌رد و خانیێن وه‌لاتیان. دێ ل باتیفا دۆرین هزار و 800 خانیان هێنه تاپۆكرن ل دووڤ رێنمایێن وه‌زاره‌تا شاره‌وانی.
فه‌رهاد مه‌حمود، ئاشكه‌را كر: پشتی رێكارێن یاسایی ب دووماهی دهێن كو كار نوكه نه‌خشه‌دانا كارگێری هێته كرن و پشتی په‌سه‌ند دبیت ده‌ستبكاربوونا قه‌زا باتیفا دێ قایمقام هێته دانان، دێ چه‌ند پرۆژه‌یێن خزمه‌تگوزاری هێنه بجهئینان. ژ وانا ژی جۆتسایدێ باتیفا دهێته دروستكرن”.
گۆت ژی: “نه‌خۆشخانه‌كا مۆدێرن ل دووڤ سیسته‌مێن هه‌ڤچه‌رخ ل باتیفا دهێته ئاڤاكرن، هه‌موو پێدڤیێن چاره‌سه‌ریی‌َ بۆ نه‌خۆشان دێ ناڤدا هه‌بن. ئه‌ڤ نه‌خۆشخانه دێ د ناڤ سه‌نته‌رێ باتیفا دا هێته دروستكرن و دگه‌ل چه‌ند پرۆژه‌یێن دی یێن گرێدایێ شاره‌وانیێ دێ باتیفا هێته دروستكرن وه‌كو پارك و جهێن بێهنڤه‌دانێ”.
هه‌روه‌سا د ماوێ ئه‌ڤ ساله دا مه‌سرور بارزانی سه‌رۆكێ حكومه‌تا هه‌رێما كوردستانێ، ڕازه‌مه‌ندی ده‌ربری یه لسه‌ر داواكاریێن ئیدارا سه‌ربه‌خۆیا زاخۆ، بۆ كه‌رتێ ساخله‌مییا زاخۆ كۆژمێ ملیاره‌ك 668 ملیۆن دیناران ته‌رخانكرینه.
ل گۆره‌ی وان پرۆژه‌یان، دابینكرنا بۆدجه‌یا هه‌یڤانه ب كوژمێ 100 ملیۆن دیناران بۆ ساخله‌مییا زاخۆ هاتینه ته‌رخانكرن. هه‌روه‌سا نووژه‌نكرنا نه‌خۆشخانا گشتییا بێدارێ ل زاخۆ و دابینكرنا كه‌ل و په‌لێن پێدڤی ب كۆژمێ 252 ملیۆن دیناران. نووژه‌نكرنا نه‌خوه‌شخانا هه‌وارهاتنێ ل زاخۆ و دابینكرنا كه‌ل و په‌لێن پێدڤی ب كۆژمێ 266 ملیۆن دیناران. نووژه‌نكرنا نه‌خۆشخانا زارۆكبوونێ ل زاخۆ و دابینكرنا كه‌ل و په‌لێن پێدڤی ب كۆژمێ 238 ملیۆن دیناران.
