19 هزار دارزەیتوون ل دەڤەرداریا ئاكرێ دێ هێنە چاندن
رەمەزان زەكەریا:
ب مەرەما زێدەكرنا رێژا كەسكاتی و گرنگیدان ب ژینگەهەكێ، وەبەرهێنەرەك چار هزار دارزەیتوون ل ناوچەداریا گردەسێن ل سنۆرێ ئاكرێ دچینیت.
ئەندازیار حاتەم، وەبەرهێنەرێ پڕۆژەیێ عەلوەیێن هەڤچەرخێن ئاكرێ بۆ ئەڤرۆ گۆت: «دەمێ پڕۆژەیێ عەلوەیێن هەڤچەرخێن ئاكرێ هاتیە دروستكرن، پێدڤی بوو، ئەو دارێن ل رەخێن جاددەیێ هاتینە چاندن بۆ پڕۆژەی بۆ جهەك دی بهێنە ڤەگوهاستن، ل وی دەمی ل گەل ئێكەیێن كارگێریا ئاكرێ و گردەسێن بڕیار هاتەدان، پڕۆژەكێ چاندنا دارزەیتوون بهێتە راگەهاندن».
گۆتژی: «نوكە ل سنوورێ ناوچەداریا گردەسێن پڕۆژەیێ چاندنا چار هزار دارزەیتوونان دەستپێكریە و مەرەم ژێ زێدەكرنا رێژەیا كەسكاتیێ یە ل گردەسێن، دیسا داهاتێ پڕۆژەی ژی بۆ خەلكێ دەڤەرێیە، بڕیارە ئەڤ پڕۆژە بەردەوامبیت و 15 هزار دارزەیتوونێن دی بهێنە چاندن».
