19 ژنێن خواستنێ دكه‌ن هاتنه ده‌سته‌سه‌ركرن
ئه‌ڤرۆ نيوز:
رێڤه‌به‌ريا پۆليسێن پارێزگه‌ها سلێمانيێ د راگه‌هاندنه‌كێ دا راگه‌هاند كو د بزاڤه‌كا پشكا پۆليسێن نه‌هێلانا تاوانان ب مه‌ره‌ما ده‌سته‌سه‌ركرنا ئه‌وان ژنێن ل ده‌ڤه‌رێن پێشه‌سازى و ل سه‌ر جاددێن گشتى ب مه‌ره‌ما خواستنێ رادوه‌ستن.
راگه‌هاند ژى كو د وێ هه‌وێ دا شيان 19 ژنان ده‌سته‌سه‌ر بكه‌ن و راده‌ستى بنگه‌هێ پۆليسێن چارچرا بكه‌ن ب مه‌ره‌ما ڤه‌كۆلينێ ل گه‌ل وان.
ئاماژه ب وێ چه‌ندێ ژى كريه كو ده‌سته‌سه‌ركرى هه‌موو خه‌لكێ ده‌رڤه‌يى باژێرێ سلێمانيێ نه و دێ هێنه ڤه‌گوهاستن بۆ به‌ر سينگێ دادگه‌هێ ب مه‌ره‌ما ئه‌نجامدانا رێكارێن قانوونى ل گه‌ل وان.
پۆليسێن سلێمانيێ دايه زانين ژى كو ئه‌ڤ بزاڤه دێ د به‌رده‌وام بن و رێكارێن قانوونى دێ گرنه به‌ر ل دژى هه‌ر بزاڤه‌كێ ب مه‌ره‌ما خواستنێ يان فرۆتنا كه‌لوپه‌لان ل به‌ر ترافيك و جاددێن گشتى د ناڤ باژێرى دا.