20 سالە چو وێستگەهێن بەرهەمئینانا كارەبێ ل پارێزگەها دهۆكێ نەهاتینە دانان
، هەرهین محەمەد:
رێڤەبەرێ ڤەگوهاستنا كارەبا پارێزگەها دهۆكێ دیاركر، ژ سالا 2004 هەتا نوكە ئێك پرۆژێ وێستگەه نەهاتیە دانان و بەهەمهێنانا پرۆژەیێن باش ل دهۆكێ دهێنەكرن و ئەڤ پرۆژە ژی پێدڤی ب دابینكرنا كارەبێ نە و د ڤی دەمی دا هەكە پرۆژە نەهێنە چێكرن و دانان، د پاشەرۆژێ دا ئەم دێ گرفتاربین و هەروەسا سەرپێچی د كارێ مە ژی دا دهێتە كرن و وەلاتی نێزیكی برجا خانیان ئاڤان دكەن، یان ئەردی سیمە دكەن و ئەڤ چەندە دبیتە بەربەست بۆ كارێ مە.
ئەندازیار، نامق عەلی نەعمان، رێڤەبەرێ ڤەگوهاستنا كارەبا پارێزگەها دهۆكێ بۆ رۆژناما ئەڤرۆ گۆت: ئەم رادبین ب ڤەگوهاستنا كارەبێ ژ ژێدەرێن سەرەكی وەكو تەولیدێن غازی و هایدرو پاوەرێن 29 مێگا و هایدرو پاوەرێ دێرەلوكێ و ل وێرێ نێزیكی 38 مێگایە و ل كاشێ تەولیدا وێ هزار مێگایە و ژبەر قەیرانێن دارایی نەشێین هزار مێگا بدەینە كاری، ژ بەركو ب گازوایلی كار دكەن، ب تنێ دو یەكە كاردكەن، ئەو ژی كاردكان ژبەر كو ژێدەرێن مە د دوورن و ژ سلێمانیێ دهێنە هەولێرێ و پاشی دهێتە دهۆكێ و دەمێ ژێدەرەك ژ جهەكێ دوور دهێت ڤولتی كێم دبیت و دەمێ كێم دبیت كارتێكرنا خوە ل سەر بەلاڤكرنا كارەبێ هەیە.
خویاژی كر، د ڤی حالەتی دا دو یەكێن كاشێ كاردكەن ئەو ژی نیڤا هێزێ یە، بەلێ جهێ مخابنیێ یە ژ سالا 2004 هەتا نوكە چو پرۆژێ و وێستگەه نەهاتیە دانان و دبینم بەرهەمئێنانا پرۆژەیێن باش ل دهۆكێ دهێنەكرن و ئەڤ پرۆژە ژی پێدڤی ب دابینكرنا كارەبێ نە و د ڤی دەمی دا هەكە پرۆژە نەهێنە چێكرن و دانان، د پاشەرۆژێ دا ئەم دێ گرفتاربین و كێمیا كارەبێ هەبیت و هەر چەندە هەت نوكە ئەم شیاینە كارەبێ دابەشكەین و ئەو كارەبا هەی ل سەر ویستگەهێن ناڤەندی، چونكو كارێ مە یێ سەرەكی ئەم كارەبێ ژێدەرێن سەرەكی بۆ وێستگەهێن ناڤەندی دئینین و ئەڤ سالە بۆ مە پرۆژەك هاتیە ب ناڤێ وێستگەهێن گەرۆك و ئەوی وێستگەهی ژی ئەم داینە وان جها یێن كو هەتا نوكە كارەب نەگەهشتیێ و پێدڤی كارەبێ نە.
ئەو چەندە ژی گۆت: د كارێ مە ژی دا سەرپێچی هەنە ژلایێ وەلاتیان ڤە و گەلەك كەس نێزیكی برجان ئەردی دێ سیمەكەن، یان ژی دێ ئاڤاهیەكی ئاڤاكەن كارتێكرنێ ل مەساری دكەن و ل دەمێ چارەكرنێ نەشێن كارێ خوە دروست بكەین، هەر گاڤەكا ئاریشە چێبن و هەكە ناحیە و قەزا و گوند هاریكاریا مەنەكەن و نەشێن بەرفرەه كارێ خوە بكەین و مە 700 كیلومەتر یێن هەین یێن هێلا زەخت عالی و ناڤبەرا مە و هەولێرێ و زاخۆ، یان هەر جهەكێ هەبیت دبێژنێ تۆرێن كارەبێ.
رێڤەبەرێ ڤەگوهاستنا كارەبێ زێدەتر ژی گۆت: ئێك ژ ئاریشەیێن دبنە بەربەست بۆ مە كەرەستەێن ویستگەهێن كارەبێ وەكو ڤەبرێت هایڤوتێ و كەرەستەێن یەدەك هەموو ژ دەرڤەی ئەورۆپا بۆ مە دهێن و دەمێ ئەم داخواز دكەین شەش هەیڤا هەتا سالەكێ گیرو دبن و ئەو رۆژێن ئەم بۆ پرۆژەی تەرخان دكەین سالەك و شەش هەیڤن و ئەڤە وەكو كەرەستەێن یەدەك و هەركەرەستەكێ دهێتە د كوردستانێ دا بۆ ویستگەهێن ئەم بكاردئینین و ئەندازیارێن مە ب خوە دچنە دەرڤەی وەلاتی ئەوان كەرەستایان دئینن و هەتا كوالیتیا وی ئەم ژێ رازی نەبین ئەو كەرەستە ناهێتە دكوردستانێ دا.
