200 جۆتیارێن دەڤەرا ئامێدیێ ل سەر چاوانیا پێشئێخستنا چاندنێ دهێنە فێركرن
ئامێدیێ، مەحموود نهێلی:
یەكەیا شیرەتكاریا چاندنێ یا زانكۆیا دهۆك ب هەڤكاری ل گەل پڕۆژەیێ بەرێ گارێ و رێڤەبەریا چاندنێ ل دەڤەردرییا ئامێدیێ، خۆلەكا راهێنانێ ل دۆر كەزاختن و چارەسەریا و نەخۆشیێن داروباری بۆ 200 جۆتیارێن دەڤەرا ئامێدیێ ڤەكر.
وارشین سەلمان، دەڤەردارێ ئامێدیێ بەحسێ گرنگیا ڤان خۆلان كر بۆ پێشڤەبرنا كەرتێ چاندنێ و سوپاسی و دەستخۆشی ل محەمەد محسن ئامێدی، خودانێ پڕۆژەیێ بەرێ گارێ یێ بەرهەمێن چاندنێ كر، كو ئەركێ ئەنجامدانا ڤێ خۆلێ ب ستوویێ خوڤە گرتی، هەروەسا پشتەڤانیا خۆ بۆ هەر هاریكاریەكێ دیاركر، پێخەمەت زێدەتر خزمەتكرنا دەڤەرێ و جۆتیارێن دەڤەرێ.
ئەڤ خۆلا فێكرنا جۆتیاران، وەكو ئەركێ سێیەمێ زانكۆیێ و پشكەك ژ پلان و ستراتیژیێن زانكۆیا دهۆك یێن گرێدای پشتەڤانیا كەرتێ چاندنێ و خزمەتكرنا جۆتیاران، یەكەیا شیرەتكاریا چاندنێ یا زانكۆیا دهۆك ب هەڤكاری ل گەل پڕۆژەیێ بەرێ گارێ و رێڤەبەریا چاندنێ ل دەڤەردارییا ئامێدیێ بۆ 200 جۆتیارێن دەڤەرێ ڤەكر.
