200 قۆتابخانێن سه‌نته‌رێ باژێرێ دهۆكێ دێ هێنه پاقژكرن
ئه‌ڤرۆ، زنار تۆڤی:
سالانه رێكخراوا “جی ئای زێت” یا ئه‌لمانی ب هه‌ڤكاریا رێڤه‌به‌ریا گشتی یا په‌روه‌ردێ ل پارێزگه‌ها دهۆكێ رادبن ب پاقژكرن و سه‌خبێركرنا چه‌ندین قۆتابخانێن سنوورێ پارێزگه‌ها دهۆكێ.
سامان مسته‌فا مه‌حموود، هاریكارێ رێڤه‌به‌رێ گشتی یێ په‌روه‌ردێ بۆ كاروبارێن ته‌كنیكی، بۆ رۆژناما ئه‌ڤرۆ دیار كر، ئه‌ڤ ساله ژی رێكخراوا “جی ئای زێت” یا ئه‌لمانی ب هه‌ڤكاریا رێڤه‌به‌ریا گشتی یا په‌روه‌ردێ ل پارێزگه‌ها دهۆكێ رابوویه ب پاقژكرنا 200 قۆتابخانان ل سنوورێ هه‌ردو په‌روه‌ردێن رۆژهه‌لات و رۆژئاڤا ل ناڤه‌ندا باژێرێ دهۆكێ.
هاریكارێ رێڤه‌به‌رێ گشتی یێ په‌روه‌ردێ بۆ كاروبارێن ته‌كنیكی گۆت: “رۆژانه 80 كوڕ و كچ، كو ل سه‌ر سێ گرۆپان هاتینه به‌لاڤكرن، رادبن ب پاقژكرنا باخچه و پۆل و په‌نجه‌ر و ده‌رگه‌هێن قۆتابخانان و ب ره‌نگه‌كێ گه‌له‌ك باش وان قۆتابخانان پاقژ دكه‌ن، رۆژانه ئه‌و گرۆپه چه‌ندین قۆتابخانان پاقژ دكه‌ن”.
گۆتژی: “ئه‌ڤ هه‌وا پاقژكرنا قۆتابخانان دێ بۆ ده‌مێ 40 رۆژان یا به‌رده‌وام بیت و هه‌تا نوكه هه‌ژماره‌كا قۆتابخانان هاتینه پاقژكرن و ئه‌ڤ پرۆسه دێ بۆ چه‌ندین رۆژێن دیتر ژی یا به‌رده‌وام بیت، هه‌تا كو هه‌موو قۆتابخانێن ناڤه‌ندا باژێرێ دهۆكێ دهێنه پاقژ كرن.
