2016 سالا رهش یا هیڤی و ئۆمێدێن مللهتى
ساڵا ۲۰۱٦ پڕ بوو ژ ههمی رهنگێن قهیران و نهخۆشیێن ژیانێ. نهبوونا مووچهبان و نهبوونا سۆتهمهنی و بهردهوامبوونا گهندهلیێ و بێكاریێ و گرانیا بهایێ ههمی پێدڤیێن ژیانێ كو دشێین بێژین وێرانكرنا ژیانا چهند تهخێن جڤاكێ كوردستانێ.
بهردهوامبوونا باراندنا ڕۆندكێن خینێ ژ چاڤێن سهدان دایك و خووشك و زاڕۆیان ب بهرزهبوون و شههیدبوونا سهدههان گهنج و لاوێن مللهتێ مه د شهڕێ پاراستنا خاك و وهڵاتێ مه دا (كوردستانێ) ژ ئهنجامێ هێرش و مهترسیا هۆڤاتی یا (داعشا) كو دڕندهترین هێزا دیرۆكێ
یا تیرۆرێ تووشی مللهتێ مه بووی.
كو كاروانهك درێژ ژ پێشمهرگهیێن كوردستانێ گیانێ خوه گۆری ڤێ ئاخێ كرین، دا كو ئهڤ دوژمنه نهگههنه سهر خاكێ پیرۆزێ كوردستانێ.
سهر وێ ههمیێ را مانا ئالۆزیێ و دوبهرهكی و ململانێ یا نه رهوا د ناڤبهرا هێزێن سیاسی ل وهڵاتێ مه. بێی ههستهكێ بۆ بهرژهوهندیێن ڤی مللهتی بكهن. كو ههر ئێك ب خوه ڤه مژوول بوو دهستكسهفتێن بهرتهنگ بدهستخوهڤه بینین و دوور ژ ئیراده و حهزێن مللهتی تهنێ بهرژهوهندیێن خوه یێن پارتاتی بسهپینن ل سهر مللهتی. نهرێككهفتنا ڤان هێزان و خرابكرنا ناڤمالا كوردی و دهرگههـ ڤهكرن بۆ لایهنێن دهرهكی دهست تێوهردانێ د ناڤ مللهتێ مه دا بكهن.
بهردهوامبوونا قهیرانێن ههمهلایهیا دراڤی و سیاسی و جڤاكی و راوهستاندنا بهرنامێ چاكسازیێن گهندهلیێ و ب ههدرچوونا سامانێن وهڵاتێ مه. ئاڵۆزبوونا ژیانا تهخێن جودا جودا ژ مللهتێ مه و گرانبوونا ژیانا رۆژانه ل سهر ڤان تهخان كو نیشانێن خراب ل سهر ئارامی و تهناهیا مللهتێ مه دیار دبن ژ نهرازیبوونێ و كهربوكینێ. نهخهمخۆریا هندهك بهرپرسانه ل سهر ڤان ئاڵوزیان و شكاندنا دهروونێ خهلكهكی و گوهنهدانا گله و گازندێن وان و كێمترین تشت بۆ دابین بكهن. لهوا دبینم بهرهژهنا ساڵا ۲۰۱۷ باشتر نابیت ژ ۲۰۱٦ ههكه خرابتر نهبیت. لێ پێدڤی یه بۆ ههر رۆژهكا نوو مرۆڤ هیڤیهكا نوو بۆ خوه بدانیت.
هیڤیدارین ساڵا ۲۰۱۷ بیته ساڵهكا بجهـهاتنا ئارمانج و هیڤی و ئۆمێدێن مللهتێ مه و چاڤخشاندنهك ههبیت ژ ههمی لایهنێن سیاسی د ههلۆیستان دا و هندهك بهرژهوهندیێن خوه گۆری كهیسا مهزن بكهن كوردستان و مللهت و سهربهخوهیی و پاراستنا بهرژهوهندیێن مللهتی نهك یێن خوه.
پیرۆزبیت ل ههمی خهلكێ كوردستانێ ساڵا نوو.
