21 سالن رۆژنامەیا ئەڤرۆ دفرۆشیت
نەوزاد هلۆری:
هەڤال عەلی، كێمئەندامەكێ دهۆكێ یە، ژ دەستپێكا دامەزراندنا رۆژناما ئەڤرۆ هەتا نوكە ئەو رۆژانە ل بازاڕ و فەرمانگەهێن میری ل دهۆكێ رۆژناما ئەڤرۆ دفرۆشیت ئەو بۆ رۆژناما ئەڤرۆ دبێژیت: رۆژناما ئەڤرۆ ئێك ژ رۆژنامەیێن گرنگە و ئەز زۆر حەزژێ دكەم و هەموو رۆژا دخوینم، ل سالا 2003ێ هەتا نوكە ئەز رۆژناما ئەڤرۆ دناڤ بازاڕی و هندەك ژ فەرمانگەهێن میری ل دهۆكێ دفرۆشم و كارەكێ زۆر زەحمەتە، بەلێ بۆ من زۆر یا خۆشە، گەرما و سەرما كارتێكرنێ ل من ناكەت، رۆژانە دەمژمێر7:00ێ سپێدێ هەتا ئێڤاری دگەڕێم و دفرۆشم، خواندنا رۆژناما ل سەر كاغەزێ زۆر خوشتر و گرنگترە ژ خواندنا ل سەر موبایل و ئەنترنێتێ.
ناڤبری خێزاندارە و سێ زارۆ ژی هەنە و زێدەتر گۆت: خەلكێ دهۆكێ ژ كرێكاری هەتا پارێزگاری من دنیاسن و زۆر رێزێ ددەن من، خەلك هندەك جارا هاریكاریا من دكەن و پارەكێ پتر ژ بهایێ رۆژنامێ ددەن من.
