22 پەیـام ل دۆر پەنجـەشـێرێ
بەرپەرێ ساخلەمیێ:
-1 د. دژوار یحیی: جگارکێش، نەخۆشێن شەکرێ، کەسێن قەلەو، کەسێن د خێزانا واندا پەنجەشێر هەبیت و دانعەمربوون ئەگەرێن سەرەکی یێن تووشبوونێ نە ب پەنجەشێرا پەنکریاسی.
-2 د. صباح احمد دوسكی، گرێک، هاتنا ئاڤ و عەداڤێ ژ مەمکی، ستویربوونا چەرمێ مەمکی، گۆهورینا قەبارێ مەمکی، نیشانێن هەبوونا گۆمانێ نە ب پەنجەشێرا مەمکی.
-3 د. ئیمان عبدالحكیم مختار، تا و خوهدان، کێمبوونا کێشێ، ئێشانێن بەردەوام، هەبوونا خوینێ دگەل پیساتیێ مرۆڤی، برینەک خۆ زویکا لێکنەدەت، ستویربوون یان هەبوونا گرێیەکێ دلەشیدا، نیشانێن گۆمانێ نە ب هەبوونا پەنجەشێرێ.
-4 د. رێدیر عدنان رێکانی، هەمی نەخۆشێن پەنجەشێرێ مفای ژ چارەسەریا ب تیشکێ دبینن، بەلێ ژ جۆرەکی بۆ ئێکا دی جوداهی یا هەی.
-5 د. ئومێد عدنان، تا و هەبوونا پنیێن شین دلەشیدا و کێمخوارن و بێهێزی و ئێشانا پێیان و دەستان و سەرئێشانێن دژوار دگەل تووشبوویێن پەنجەشێرا خوینێ دیاردبن.
-6 د. رمضان صلاح الدين کۆچەر، هەر کەسێ ژ 50 سالیێ بووری، باشترە نازوورەکا قولونێ چێکەت بۆ دەستنیشانکرنا پەنجەشێرا قولونێ و مەعیدێ.
-7 د. رەزڤان فيصل، پشکنینا پێشوەخت ستوینەکا سەرەکی یە بۆ دەستنیشانکرنا پەنجەشێرێ.
-8 د. عبدالله احسان، گۆهورینا عەدەتێن دەستناڤا ستویر وەکو قەبزبوون یان زکچوون یان هەکە زراف بهێتە خوارێ کو نیشانا تەنگبوونا رویڤیکایە، یان رەنگێ وێ ڕەش ببیت و ب گرێکەکێ پێ ب حەسیێت، پێدفیە پشکنینا پەنجەشێرا قولونێ بکەت.
-9 د. زکی علی بەرواری، ب زوی دەستنیشانکرنێ و هەبوونا دەرمانان بووینە هاندەر نەخۆشێن پەنجەشێرا خوێنێ ژێ قورتال ببن.
-10 د. امل عبدالحکیم، ب رێکا وەرگرتنا مەسحەکێ و هەکە دیاربوو هندەک شانەیێن نەدروست یێن هەین، پەنجەشێرا ستوویێ مالبچویکی دهێتە دەستنیشانکرن.
-11 د. احمد مەلا محمدشریف، کۆخکا بەردەوام، سینگئێشان، دەنگ کەتن و هاتنا دەنگی ژ سینگی یان خوین دگەل کۆخکا وی بیت، هندەک نیشانێن پەنجەشێرا سیهانە.
-12 د. دلدار حاجی موسی، پەنجەشێرا غودێ پێشکەفتنێن گەلەک باش د وارێ چارەسەریا وێدا هەنە و پتری 95% نەخۆش مفایەکێ مەزن ژێ دبینن.
-13 د. فهد عبدالوهاب، نوکە نویترین ئامیرێن پێشکەفتی بۆ دەستنیشانکرنا هەمی جورێن پەنجەشێرێ ل بەردەستێن مەنە و ئەنجام د دەمەکێ گەلەک کێمدا دەردکەڤن.
-14 د. جنان نوری حسن، گەلەک یا گرنگە پشتی پێنجی سالیێ ژن سونارێ چێکەت دا بزانیت مالبچویکێ وێ وەرمتیە یان نە وەکو پێنگاڤەک ل لێگەریانێ ل پەنجەشێرا مالبچویکی.
-15 د. رەزڤان محمد بالەتەی، ب هەبوونا ئامیرێن پێشکەفتی بو دەستنیشانکرن و نشتەرگەریان و چاڤدێریا نەخۆشان، بووینە ئەگەر نشتەرگەریێن پەنجەشێرا مێشکی ب سلامەتتر بهێنە ئەنجامدان.
-16 د. هەکار شعبان، ئێک ژ هەشت زەلامان تووشی پەنجەشێرا پرۆستاتا دبن و باشترە پشتی پێنجی سالیێ زەلام سالانە دو جاران پشکنینا ئەنجام بدەن.
-17 د. محمد اکرم، هەکە د دەمەکێ کورت دا کێشا نەخۆشی گەلەک کێمبوو، تا و خوهدانێن شەڤێ بو دەمێن درێژ،هەودانێن دۆمدرێژ و گرێک و خوینبەربوونێن دۆمدرێژ هندەک ژ نیشانێن پەنجەشێرێ نە.
-18 د. ژین محمد صالح ئامێدی،کەسێن گەلەک دمینن ل بەر تیشکا ڕۆژێ و چ دژەهەتاڤا ب کارنەئینن، کەسێن ل بەر هەتاڤێ کاردکەن و کەسێن گەلەک کارێ کەرستێن کیمیاوی دکەن و جورێن پیستی یێن گەلەک سپی و کەسێن بەرگریا لەشێ وان یا کێم بیت، پتر تووشی پەنجەشێرا پیستی دبن.
-19 د. اسعد شریف عمر،بەکتریا مەعیدێ و دانعەمربوون و جگارەکێشان و هندەک جورێن هەودانان و زێدە خوارنا خوێ و فاکتەرێن بۆماوەی ژ گرنگترین ئەگەرێن پەنجەشێرا مەعیدێ نە.
-20 د. سناء رشید، دوگیانی نابیتە رێگر ل هەمبەڕ چارەسەرکرنا پەنجەشێرا مەمکی.
-21 د. خالد حسین شێخ حلیم، دەمێ مەمکەکێ ژنێ ژبەر پەنجەشێرێ دهێتە راکرن، دشێت ب یێ دی شیری بدەتە زارۆکێ خۆ.
-22 د. امیر ابراهیم، پێدڤیە پتر گرنگیێ بدەینە خارنا سرۆشتی، چونکو خوارنێن پرۆسێسکری رێژا تووشبوونێ ب پەنجەشێرێ زێدەدکەن.
