ئهڤ رهوشه دخوازته دهستپێشخهریان
ئحسان ئامێدی
ل دویڤ بریارا سهرۆكێ ههرێما كوردستانێ دڤێت ههلبژارتنێن گشتی بۆ پهرلهمانێ كوردستانێ ل٢٠٢٤/٦/١٠بهێنهكرن، و ل دویڤ بریارێن دادگهها بناڤ فیدرالی دڤێت كومسیۆنا ههلبژارتنا ئیراقێ و ل دویڤ یاسا و سیستهمێن ئیراقێ پرۆسی برێڤه ببهت!، یاسا ژماره ئێك یا سالا ١٩٩٢ یا ههلبژارتنا پهرلهمانێ كوردستانێ ژ كارئێخستیه، ژمارا كورسیان كێمكریه، پیكهاتێن نهتهوهیی و ئایینی ژ كۆتهیێن وان بێ بههركرینه، ژمارا بازنهیان كرینه چار و بریارا پهسهندكرنا ئهنجامان و ئێكلاكرنا سكالا بۆ دادگهها فیدرالی ڤهگهراندیه!، ئهری چ بۆ سهروهرى و مافێن دهستووریێن ههرێمێ و دامهزراوێن وێ ما!؟پارتیا دیموكراتیا كوردستانێ راگههاندیه ب ڤی شێوهى پشكدار نابیت، ههروهسا پێكهاتێن بێ بههركرى و هندهك هێزێن سیاسی ژی راگههاندیه ب ڤى رهنگى پشكدارنابن د ههلبژارتنان دا!. و دیاره ژی هۆلكا هندهكایه وهسا بۆ دچن دهرفهتهكه بهركێ ژبن پێت هێزا سهرهكی ل كوردستانێ بكێشن و دهستههلاتێ ژ دهستان بینه دهر و ئهو ببنه خودانێن بریارێ و دهستههلاتێ!، ئهو بخوه ههر نابیت بئێكجارى بیركرنهكا هۆسا ههبیت، ئهڤه بیركرنهكا وێرانكهره!.
دهم یێ دچیت، ب ڤی رهنگى و زێدهبارى ئالرزیێن دیتر ل ناڤ ههرێمێ و ل ئیراقێ و ل رۆژههلاتا ناڤین نه یا دروسته و نه یا كریاریه ههلبژارتنهك ب ڤی رهنگی بهێتهكرن!.
پارتی و پێكهاته و هێزێن كو رهدا ڤی شێوهیێ ههلبژارتنان ل بن ستهما ڤان بریارێن نهرهوا دكهن، پتر ژ نیڤا خهلكێ ههرێمێ پێكدئینن و مهبهست ژ رهدكرنێ بهرژهوهندی و سهروهریا ههرێمێ یه، و وهكو پترا ژنیڤا مللهتی و هێزێن سیاسی و جڤاكی رهدا ههلبژارتنا كر ههلبژارتنێ شرعیهت نامینیت!.
ژیوارێ جڤاكی و سیاسیێ كوردستانێ و رۆژههلاتا ناڤین وێ نیشادهت، د پرۆسهكا هۆسا دا دهستههلات ژدهستێن هێزهكا سهرهكی یا رهههندێن خوهیێ جڤاكی و سیاسی و نهتهوهیی ههین و هێز و دهستههلات و رهوایا خوه ههبیت ناهیته دهر! نهمازه دهمێ هێزا سهرهكی مێژوویهكا پر سهروهری و كاروانێن شههید و قوربانیان ههبیت، و پێگیریێن سنجی و جڤاكی و سیاسی و نهتهوهیی ههبن، ئهڤه دخوازته ماناڤهیا وێ ل گۆرهپانا خهبات و بهرخودانێ دا پێناڤی پاراستنا كیانێ مللهتی و دهستكهفتی و سهرفرازیا وی و شادیا خوینا شههیدان و تهڤ قوربانیان.
مادهم هۆیه، دڤێت بیركرنێن ئهرینی پهیدا ببن و سهرههلبدهن، و بلهز پتر ژ دهستپێشخهریهكێ خوه د ههرێما كوردستانێ دا ببینیت بۆ ڤهكرنا ڤی گرێیێ و چارهسهركرنا ڤێ كێشهیێ و دهربازبوونێ ژ ڤێ ئاستهنگێ.
د مێژوویا مرۆڤان دا، رێبهر و سهركرده و پهیامبهر و زانا و فهیلهسۆف و داهێنهر و بسپۆر و چاكساز رۆلێ خوه دبینن و دگێڕن و شاكارێن مهزن پێشكێش دكهن و دهستكهفتێن گرنگ تۆماردكهن و ناڤێن وان د تۆمارا مێژویێدا دهێته تۆماركرن و شاكارێن وان زیندی دمینن و بۆ مرۆڤایهتیێ دبنه سهربۆر. ئها نهو ژی گهلێ كوردستانێ ل ڤان رزگاركهران دگهریت و ب هیڤینه ل دهمێن نێزیك ئهو دهستپێشخهر دیاربن و گوهداری ل بانگهوازێن وان بهێتهكرن و چارهسهریا وان كێشه و گرفتان بهێته كرن، ئێدی پرۆسهیا سیاسی سروشتی ببیت و رهوش ئارام بیت.
ل ڤی دهستوداری گهلهك كاربدهست و بهرپرسێن هێزێن سیاسی ل ههرێما كوردستانێ خوه وهكو سهركرده دههلێخن، لێ د ههلسوكهوتێن خوهدا وهكو سنێلهیان رهفتاران دكهن، چونكی د بنیات دا چ كارنامهیێن مرۆڤی و نهتهویی نهههلگرتینه و ساخلهتێن سهركردهیان ل دهڤ نینن و گرێدای بیرۆكهیێن خهلكێ دیترن ئارمانجا خوه كریه لاوازكرن و لێدانا هێزا ههلگرا بیروكه و كارنامهیا نهتهوهیی و نیشتیمانی!.
خۆیایه ههمی كێشه و گرفتان دێ رێكێن چارهسهریێ بۆ ههبن ههكو نیازپاكی و دهستپێشخهری بۆ ههبن، و دهرگههێن گفتوگویان و دانوستاندنان د ڤهكری بن.
ب راستی مللهت یێ گوهشیه و شهپرزهیه و دلگرانه ژ ڤی دهستوداری و چاڤهرێی ڤهكرنا دهرگههانه ب رێكا دهستپێشخهریین بریار بدهستان.
مه ههر هیڤی ب سهرۆك بارزانی و رێبوارێن رێبازا وی ههنه كو دهستپێشخهریێن ئێكلاكهر بكهن و ههمی لایهنان بكێشنه دانوستاندنان و كارنامهكا ههڤپشك و ههڤگرتی د بهرژهوهندیا ههرێمێ و گهلێ وێ دا چێكهن، ئهڤ مللهته یێ ههژی ژیانهك ئارام و بهختهوهره.
ب