26 گوندێن ناوچەداریا دینارتە ژ بەر شەڕێ پەكەكێ و توركیا هاتینە چۆلكرن
رەمەزان زەكەریا:
دەمێ 40 سالایە 26 گوندێن دەڤەرا دینارتێ ل ئاكرێ ژ بەر شەڕێ پەكەكێ و توركیا هاتینە چۆلكرن، گەلەك كەس ل ڤێ دەڤەرێ هەنە، ژ بەر رەوشا نەئارام ل گوندێن وان، ل باژێر و ئاوارەیێ ژ دایك بووینە و هێشتا گوندێن خۆ نەدیتینە و تووشی زیانێن گیانی و ئابووری بووینە.
سەربەست سەبری، رێڤەبەرێ ناوچەداریا دینارتە بۆ ئەڤرۆ گۆت: «نێزیكی 12 گوندێن دەڤەرا مە دئاڤەدانن، بەلێ ئەم نەشیاینە ژ بەر رەوشا نەئارام وەكو پێدڤی هاریكار و خزمەتگوزاریان بۆ دابین بكەین».
ناڤبری گۆتژی: «پشتی پرۆسەیا ئاشتیێ سەر بگریت، دێ دەستێ ئاڤەدانیێ بۆ وێ دەڤەرێ دێ درێژ كەین و پڕۆژەییچن خزمەتگوزاری بۆ وێ دەڤەرێ دابین كەین».
سەربەست زێدەتر گۆت: «سالا بۆری هەتا نوكە شەش وەلاتیێن سڤیل د ناڤبەرا شەڕێ پەكەكێ و توركیا د ناڤ ئەرد و گوندێن خۆ دا شەهید بووینە و پتر ژ 10 وەلاتیان ژی برینداربووینە».
