27 سالێن 50%50%
چهكدار جهمال
پشتى سهرهلدانێ یا (عهبێ) وان كرى، ههموو كوردستانى ل هیڤیێ بوون كو كوردستان بهر ب دوبهیبوونێ ڤه بچیت و چهندین جاران ژى بهرپرسێن مهزن یێن حوكمهتا مه یا ساڤا ل گهلهك خرڤهبوونێن جهماوهرى ب گهرمى گازى دكر، دێ كوردستانێ كهینه دوبهیی، لێ ئهو گۆتنا ل گهل ئهوى جهماوهرى چوون.
ههردو پارتێن سهرهكى یێن كوردستانێ كو ب حزبێن ففتى ففتى دهێنه نیاسین ل جادهیا كوردستانى، ههر ژ ئنتفیزا و ههتا نوكه سیاسهتا نیڤ ب نیڤ برێڤه دبهن كو ئهڤ سیستهمێ كهڤن و گهمارگرتى یێ سیاسى، ل چ جهێن دونایێ نینه و ل دهمێ ههوێن ههلبژارتنان ژى ههر ئێك ژ وان بێ دودلى یێ بهرامبهر ب خاین و كوردفرۆش و جاش ب ناڤ دكهت.
لێ بۆ پێكئینانا كابینهیێن حوكمهتان سیستهمێ رازیكرنا یێ بهرامبهر یێن ب خاك فرۆش دهاتنه پێناسهكرن دبنه قههرهمان و شریك و گۆتنێن خوه یێن ههوێن ههلبژارتنان ب درهو دهردئێخن و یا ژ ئهڤێ ههموویێ وێرانتر ئهوه كو ب چ شێوهیهكى رێز ل دهنگدهرێ خوه ناگرن و ههر ئێك ژى ب بههانیهكێ جار ژبهر نه پارچهكرنا كوردستانێ و جار ژ بهر ئێككرێزیا ناڤمالا كوردى یا ئهو بخوه كودران ههموو تشتهك ههیه ب تنێ ناڤمال نه، چنكو هێشتا دساڤاینه ئهم جودانه بووینه.
ئهڤجا گهلى خهلكێ گهرم و سهرداچوویێن گۆتنێن ففتى ففتى وانا هوون بچن یان نه چنه ههلبژارتنان دێ ههر ففتى ففتى بیت و هنگ ژى ئێدى عهقل و دۆرهێلى ب ففتى ففتى بخوینن پاشى بریارا خوه بدهن.
ئێدى بهر ب كوردستانهكا ففتى ففتى یا پرى كار و ب هێز..
