27 پڕۆژەیێن وەبەرهێنانێ ل زاخۆ دهێنە بجهئینان
دهۆك، لەزگین جوقی:
رێڤەبەرێ گشتیێ وەبەرهێنانێ ل ئیدارا سەربخوە یا زاخۆ دیار كر، پرۆفایلێ وەبەهێنانێ ل ئیدارا سەربخوە یا زاخۆ بۆ سالا 2024ێ هاتیە بەرهەڤكرن و د پلان دایە، ئەڤ سالە 27 پڕۆژەیێن وەبەرهێنانێ ل زاخۆ بهێنە بجهئینان.
جگەرخوین تاهر، رێڤەبەرێ گشتیێ وەبەرهێنانێ ل ئیدارا سەربخوە یا زاخۆ بۆ رۆژناما ئەڤرۆ ئاشكرا كر، ل دەستپێكا ئەڤ سالە 12 پڕۆژەیێن وەبەرهێنانێ ل ئیدارا سەربخوە یا زاخۆ دێ مۆلەتا دەستەیا وەبەرهێنانێ بۆ هێتەدان و دێ هێنە راگەهاندن و كەڤنە د خزمەتا خەلكێ زاخۆ دا و گۆت: “ئەڤ پرۆژەیێن وەبەرهێنانێ دی چەندین دەلیڤەیێن كاری بۆ خەلكێ زاخۆ پەیدا كەن و بەردەوام كار بۆ ئەنجامدانا پڕۆژەیێن گرنگێن وەبەرهێنانێ ل زاخۆ دهێتە كرن”.
جگەرخوین گۆتژی: “حوكمەتا هەرێما كوردستانێ گەلەك پشتەڤانیێ ل كەرتێ وەبەرهێنانێ دكەت، نوكە ل زاخۆ گەلەك گوهۆڕین د وارێ وەبەرهێنانێ دا پەیدابووینە، چەندین پڕۆژە بۆ خزمەتكرنا خەلكێ دەڤەرێ هاتینە بجهئینان”.
