28 پڕۆژە ل سنۆرێ ناوچەدارییا دێرەلۆكێ دهێنە بجهئینان
ئامێدیێ، مەحمود نهێلی:
ل سەردەمێ كابینەیا نەهێ یا حكومەتا هەرێما كوردستانێ هەژمارەكا زۆرا پڕۆژەیێن خزمەتگوزاری ل دەڤەرێ هاتینە بجهئینان، د ئەڤ سالە دا ل سنۆرێ ناوچەداریا دێرەلۆكێ 28 پڕۆژەیێن جودا یێن خزمەتگوزاری دهێنە بجهئینان.
وارشین سەلمان، دەڤەردارێ ئامێدیێ بۆ رۆژناما ئەڤرۆ دیاركر، ئەو پڕۆژەیێن ئەڤ سالە ل سنۆرێ ناوچەدارییا دێرەلۆكێ دهێنە بجهئینان 28 پڕۆژەنە و گۆت: «ئەڤ پرۆژە ژ چێكرنا جادەیێن ناڤخۆ، چێكرنا رێكێن گوندان، گەهاندنا ئاڤ و كارەبێ، چێكرنا پارەكەكێ ل سەنتەرێ ناوچەداریێ و جۆیێن ئاڤدێریێ پێك دهێن، هندەك ژ وانا ژی ب داوی هاتینە و كەفتینە د خزمەتا خەلكێ دەڤەرێ دا».
گۆتژی: «ئەڤ پڕۆژەیە ب گۆژمێ پێنج ملیار و 200 ملیۆن دیناران ژ لایێ حكومەتا هەرێما كوردستانێ ڤە دهێنە بجهئینان».
