30 سالن چارەسەریا خەلكی دكەت
دلڤین رەشید:
دای بەسێ مراد حسێن، د دیدارەكێ دا بۆ رۆژنامەیا ئەڤرۆ دیاركر كو ئەو خەلكا گوندێ سیبا شێخدرە، سەرب قەزا شنگال ڤە، نێزیكی (30) سالانە وەك نوژدارەكا مللی (حەكیم) چارەسەریا خەلكێ دكەت.
ناڤهاتی دبێژیت: راستە نوكە ئاوەرەمە دناڤ كەمپێ دا ژیانا خۆ دەربازدكەم، بەلێ ئەڤ چەند نەبوویە رێگر هەمبەر كارێ من چنكو هەتا نوكە ژی خەلكێ مە ب ڤێ رێكێ چارەسەری وەردگریت، ئەڤ كارە بوویە دەرگەهەك ژبۆ پەیداكرنا دەبارا ژیانا من، چونكی د سەردەمێ بەرێ دا حەكیم هەبوون و ب رێكا چارەسەریا سرۆشتی چارەسەریا خەلكێ دكرن ئەز ژی ل سەر ڤی كاری هەتا نوكە بەردەوامم، راستە دونیا بەرەب پێشكەڤتنێ چوویە و نوژدارێن مللی زێدە بووینە، بەلێ خەلكێ مە هەتا نوكە ژی قەستا حەكیمان دكەن و داخوازەكا مەزن ژی ل سەر ڤی جۆرە چارەسەریێ هەیە.
