30 تانکەرێن پانزینێ ھاتنە ناف ھەرێمێ
ئەڤرۆ نیۆز، سالار دۆسکی:
ئەندامەکێ لژنا سوتەمەنی وزێ ل جڤاتا پارێزگەھا دھۆکێ ئاشکراکر کو 30 تانکەرێن ھەلگرتنا پانزینێ ل سەر سنوری نە و ئەڤرۆ دێ گەھنە ھەرێمێ و سوبە دێ قەیرانا پانزینێ چارەسەربیت.
عەبدولکەریم چەمانکی ئەندامێ لژنا سوتەمەنی وزێ زێدەتر بۆ مالپەرێ ئەڤرۆ نیۆز گۆت: “30 تانکەران پانزین ژ تورکیا ھەلگرتیە و گەھشتینە سنوری ھەتا ئێڤاری بۆ سپێدێ دێ پانزین دھۆکێ ل سەر پانزیخانان ھێتە بەلاڤەکرن، رۆژانە ملیۆن لتر دێ ھێنە دابەشکرن بۆ ڤێ ھەیڤێ، ل گەل پانزینا ئیرانێ دھێت، دیسا کەربەتوکێ ژی ،دێ کێشە چارەسەربیت”.
ناڤبری ئاشکراکر ژی کو ھەکە ئەڤ پانزینە ل دھۆکێ بمینت و نەچیتە ھەولێرێ کێشا پانزینێ دێ ل دھۆکێ ھێتە چارەسەکرن.
جھێ ئاماژەکرنێ یە ل رێکەفتی 6ى خزيرانا ئه‌ڤ ساله گرێبەست ل سەر ئینانا پانزینا ئیماراتی ھاتیە ئیمزاکرن و ماوێ پازدە رۆژانە قەیرانا پانزینێ ل ھەر دو پارێزگەھێن دھۆک و سلێمانیێ ھەیە.
