30 خه‌له‌كێن زنجیره دراما (ته‌حل و شرین) د هه‌یڤا ره‌مه‌زانێ دا دێ هێنه نیشادان
دهۆك، شاكر ئه‌تروشی:
30 خه‌له‌كێن دی یێن زنجیره دراما (ته‌حل و شرین) بۆ هه‌یڤا ره‌مه‌زانێ د ئاماده‌نه و هه‌ر شه‌ڤ خه‌له‌كه‌ك دێ ل سه‌ر شاشا كه‌نالێ وار هێته نیشادان و ده‌مێ هه‌ر خه‌له‌كه‌كێ د ناڤبه‌را بیست هه‌تا بیست و پێنج خۆله‌كا دانه.
موه‌فه‌ق رۆشدی، ده‌رهێنه‌رێ وێ زنجیرێ بۆ ئه‌ڤرۆ دبێژیت: بۆ ئه‌ڤ ساله مه وه‌رزێ و دویێ و سێیێ پێكڤه وێنه‌كرن، ئانكو 30 خه‌له‌كه‌نه و هه‌ر ئێك بابه‌ته‌كێ جودایه، ئه‌ڤ درامایه كۆمێدی جڤاكی یه، ژ نڤیسنا (سه‌عید مه‌حمود) كو خه‌لكێ رۆژئاڤایێ كوردستانێ یه، وێنه‌كرن هه‌موو ل دهۆكێ بوویه، سپۆنسه‌رێ درامایێ هونه‌رمه‌ند عه‌مه‌ر تۆڤی یه و به‌یار عه‌لی رێڤه‌به‌رێ به‌رهه‌می یه و ( ) كو ژ رۆژهه‌لاتێ كوردستانێ یه هاریكارا ده‌رهێنه‌ری یه و دراما ژ به‌رهه‌مێ كه‌نالێ واره.
ئه‌كته‌رێن پشكدار(سیروان گۆیی) یێ سه‌ره‌كی یه، ل گه‌ل چه‌ند ئه‌كته‌رێن دی، ژوانا (فه‌خره‌دین تاها، قه‌دری شێرۆ، كاروان…، حه‌یده‌ر بامه‌رنی، موه‌فه‌ق رۆشدی، پلنگ كیڤی، نه‌شوان محمه‌د سالح، مه‌ئمۆن دۆسكی) وه‌كو ئافره‌ت ژی (مهاباد ئیبراهیم، سۆزان خدر، نورا محه‌مه‌د سالح، جیلان تاها، نه‌عیمه عه‌بدۆ، فه‌له‌ك ئه‌حمه‌د و گه‌له‌كێن دی، وێنه‌گر ژی چه‌له‌نگ جه‌مال و كاوه هادی و دلشێر محه‌مه‌د، ده‌نگ هیوا شه‌و.
ل دووماهیێ گۆت: بۆ ڤی وه‌رزی مه بزاڤا كری باشتر ژ سالا بۆری كاربكه‌ین، چنكو ل وی ده‌می كۆرۆنا یا مشه‌بوو، هه‌روه‌سا قه‌ده‌غه‌یا هاتن و چوونێ بوو، لێ سوپاس بۆ خودێ ئه‌ڤ ساله باشتر بوو پتر ده‌لیڤا كاركرنێ هه‌بوو، له‌ورا هیڤیا مه ئه‌وه هه‌كه خزمه‌ته‌كا بچووك ژی بیت ئه‌م شیابین مه پێشكێشی بینه‌رێن خوه كربیت، ب تایبه‌ت ژی ل ده‌ڤه‌را به‌هدینان، چنكو خه‌لكێ ڤێ ده‌ڤه‌رێ هه‌تا راده‌كی ژ فلم و درامایێن خۆمالی یێ بێ به‌هره وهیڤیا من ئه‌وه ل سالێن بهێت پتر پووته ب قلم و درامایێن كوردی بهێته دان و هه‌موو سازیێن هونه‌ری و كه‌نالێن كوردی خوه ب خودان بزانن بۆ پێشڤه‌برنا ئاستێ دراما كوردی ل ده‌ڤه‌رێ و هه‌موو باژێرێن هه‌رێما كوردستانێ.
