30 ساله كاری ل سه‌ر عه‌ره‌بانه‌كێ دكه‌ت
سۆران، ره‌مه‌زان زه‌كه‌ریا:
حاجی محه‌ممه‌د شێخ عه‌بدوللا گرتكی، وه‌لاتیه‌كێ ئیدارا سۆرانه، ددیداره‌كێ دا بۆ رۆژناما ئه‌ڤرۆ دیاركر كو نوكه ئه‌و دژیێ (65) سالیێ دایه و ئه‌ڤه پتر ژ (30) سالایه ئه‌ز كاری ل سه‌ر عه‌ره‌بانێ دكه‌م و چایێ و باقلكا و شێلما و نوكێن كه‌لاندی دفرۆشم، به‌رده‌وام من حه‌ز ل سه‌ر كارێ خوه هه‌بوویه و بزاڤ كریه بڤێ رێیێ كار بكه‌م و خزمه‌تا خه‌لكی بكه‌م و داهاته‌كێ ژی بۆ خۆ په‌یدا بكه‌م .
زێده‌تر گۆت: رۆژانه ده‌مژمێر هه‌شتێ سپێدێ ل سه‌ر جادێ خوارنێن گه‌رم دفرۆشم، ب تایبه‌ت للاوه‌رزێ زڤستانێ نوكێن كه‌لاندی خواسته‌كا زۆر ل سه‌ر هه‌یه ل هه‌موو ده‌ڤه‌ران را دهێن بۆ خوارنا نوكان، ئه‌ز ئێكه‌م كه‌س بوومه من كارێ نوك فرۆتنێ كری و ل هه‌ر چار وه‌رزان خه‌لك قه‌ستا من دكه‌ن بۆ خوارنا نوكان هه‌تا من شیانێن پالدانا عه‌ره‌بانی هه‌بن دێ به‌رده‌وام بم ل سه‌ر كارێ خوه.
