30 ھزار تەنێن گەنمێ جوتیارا ژ دەرڤەی سايلویا شێخان ھاتینە ڤالاكرن
ئەڤرۆ نیوز، بارزان مزووری:
رێڤەبەرێ سايلویا شێخان بۆ ئەڤرۆ نیوز دیار کر کو ژبلی بەرھەمێ ئەڤ ساله يێ حوکمەتا عيراقێ 27 ملیارا ديناران قەردارێن جوتیارێن شێخانە یێن گەنمێ پار سال.
تەیب تاھر، رێڤەبەرێ سايلویا شێخان بۆ ئەڤرۆ نیوز ئاشکرا کر کو سايلویا شێخان ئەڤ سال کێمتر ل سالا بوری بەرھەمێ گەنمی وەرگرت و گۆت: “ئەڤ سالە 100 ھزار تەنێن گەنمی ل جوتیارا وەرگرتینە ل سالا بوری 108 تەنێن گەنمی ل جوتیارا وەرگرت بوون”.
ناڤبری دا زانين ژى کو 30 ھزار تەنێن گەنمێ جوتیاران ل ژ دەرڤەی سايلویێ ھاتینە ڤالاكرن، ژ بەر نەبوونا جھێ ڤالاکرنا گەنمی د ناڤ سايلویێ دا 60 ھزار ژی ڤالا کرینە د ناڤ سايلویێ دا ئەو گەنمێ دەرڤەيی سايلویێ د گورەپانان دا ھاتیە ڤالا کرن پێدڤی ب ڤەگوھاستنا ب لەزە.
ناڤبری گۆتژی: “ژبلی بەرھەمێ ئەڤ ساله يێ حوکمەتا عيراقێ 27 ملیارا قەردارێ جوتیارێن شێخانە یێن گەنمێ پار سال هەتا نھا نەھاتینە مەزاختنن رۆژانە جوتیار سەرا مە دەن ژ بەر پارێ خوه”.
