300 كەس ل دینارتێ تووشی نەخۆشیەكێ دبن
ئەڤرۆ
ئەڤرۆ، سەباح زوهێر:
سەربەست ئاكرەیی، رێڤەبەرێ ناوچەداریا دینارتە بۆ ئەڤرۆ دا دیاركرن كو ل سەنتەرێ ناوچەداریا دینارتە د رۆژێن بۆری دا نەخۆشیا زكچوون و ڤەرشیانێ بەلاڤ بوویە و نێزیكی 300 كەسان تووشی وێ نەخۆشیێ بووینە و سەرەدانا بنگەهێ ساخلەمیا دینارتێ كرینە بۆ وەرگرتنا چارەسەریێ.
رێڤەبەرێ ناوچەداریا دینارتێ گۆت: «ساخلەمیا دەڤەرداریا ئاكرێ و رێڤەبەریا ئاڤا ئاكرێ لژنەیەك پێكئینایە و دووڤچوونا ڤی بابەتی دكەن و سەرەدانا دینارتێ كریە و نموونە ژ ئاڤا ڤەخوارنێ هاتیە وەرگرتن بۆ هندێ بهێتە پشكنین، داكو ئەگەرێن ڤێ نەخۆشیێ بهێنە زانین».
گۆتژی: «هەتا نوكە ئەگەرێن ڤێ نەخۆشیێ دیار نەبووینە و رۆژێن داهاتی دێ ئەنجامێن پشكنینا ئاڤێ دەركەڤن، كا ئەگەر ژ ئاڤێ یە یان نە، رێژا پێدڤی یا دەرمانان رەوانەی بنگەهێ ساخلەمیا دینارتێ هاتینە كرن، داكو چارەسەریا نەخۆشان پێ بهێتە كرن».
