33 سالن كارێ كۆمكرن و پاراستنا كەلوپەلێن كەڤن دكەت
رەمەزان زەكەریا:
سەعید بارانی، وەلاتیەكێ دەڤەرا بەردەڕەشە، بۆ دەمێ 33 سالانە وەك گەریدەكێ خەمخۆر ل مال گوندێن دەڤەرێ دگەرێت بۆ كۆمكرنا كەرەستەیێن كەڤنارێن باب و باپیران،
ناڤهاتی، بۆ رۆژنامەیا ئەڤرۆ گۆت: من مۆزەخانەیەكا فۆلكلۆری دناڤ ئاڤاهیێ ناڤەندا وەرزش و لاوان ل بەردەرەش ڤەكریە، سالا 1991 دو هوكاران ئەز هاندام كو كەلوپەلێن فۆلكلۆری بپارێزم، ئێك ژ وان پتریا كەلوپەلێن مە ژبەر دەركەفتنا تەكنەلوچیایێ هەموو ژ كار كەفتبوون و هاتبوونە بەرزەكرن ئەز شیام كۆم بكەم كو ئەڤە شارستانیەتەكا باشە ل ژیانا چاندنێ و چەندین بۆارێن دی پێك دهێت كو نیشانا هندێ ددەت كورد مللەتەكێ زیندی نە، بۆ زانین من نێزیكی هزار پارچەیێن كەلوپەلێن كەڤن كۆمكرینە كو مێژوویا پشكەكا وان بۆ بەری 150 سالان هەتا 250 سالان ڤەدگەڕن.
