33 سالن چایچی یە
شاكر ئەتروشی:
حەكیم شەعبان حەسەن، چایچیەكێ كەڤنێ دهۆكێ یە، نوكە رۆژانە دوازدە دەمژمێران ل چایخانا شەهیدان كاردكەت و هەتا ئەڤرۆ دەلیڤا خوە نەدیتیە كو بۆ خوە چایخانەكا تایبەت ڤەكەت.
حەكیمێ (52) سالی، د دیدارەكێ دا بۆ رۆژناما ئەڤرۆ گۆت: د ژیەكێ بچووكدا من حەز ژ چێكرنا چایێ دكر، ل سالا 1990 دەلیڤە بۆ من چێبوو ئەز بوومە چایچیێ خوارنگەهەكێ ل سەنتەرێ باژێری و بۆ دەمێ هەشت سالان ل وێرێ مام، دووڤدا چوومە چەند جهێن دی و ئەڤە دەمەكە هاتیمە چایخانا شەهیدان و خودانێ وێ (مەتین دۆسكی) گەلەك رێزێ ل من دگریت و هەردەم دبێژیتە من چایخانا تەیە، بۆ زانین ل دەمژمێر پێنجی سپێدی هەتا پێنجی ئێڤاری ئەز یێ لڤێ چایخانێ و رۆژانەیا من (30) هزار دینارن و دەمێ بەری (33) سالان من دەستپێكری رۆژنا من بیست هزار دینارێن سویسری بوون.
ل دووماهیێ گۆت: بتنێ ئەز دو جۆرێن تۆڤی تێكەل دكەم و چایا خوە ب ئاڤا گەرم چێدكەم، بەس چێكرن و تێكرنا چایێ ژی شارەزایی پێ دڤێت دا چایا مرۆڤی یا خۆش بیت و هەموو كەس د شارەزانینن.
