33 سال ل سه‌ر وه‌غه‌ركرنا هونه‌رمه‌ند و ده‌نگبێژ (محه‌مه‌د شێخۆ)ی ده‌ربازدبن
زه‌نون سلێڤانه‌ی ـ زاخو
بێگۆمان هه‌ر كه‌ڤن دا د ناڤا به‌رپه‌رێن دیرۆكا هونه‌رێ ملله‌تان دا هاتیه سه‌لماندن هونه‌ر چه‌ند فاكته‌رێن سه‌ره‌كی بخوه‌ڤه دگریت مینا هونه‌رێ شانۆیێ، گرافیك، شێوه‌كاری، مۆزیك و ستران، ب هه‌موو فاكته‌رێن خوه یێن جودا جودا دا هه‌ر ئێك ژوان بوویه پشكه‌كا هه‌ره گرنگ و سه‌ره‌كی بۆ خزمه‌تكرنا پرسێن مرۆڤ و مرۆڤبوونێ د ناڤ كومه‌لگه‌هێن ملله‌تان دا چ ل ئاستێ هشیاریا نه‌ته‌وه‌یی و وه‌لاتپارێزیێ د قووناغێن شوره‌ش و به‌رخوانێ و د بزاڤا رزگاریخواز بهێزكرنا چاند و كه‌لتور و فلكۆرێ نه‌ته‌وه‌یا دیرۆكا ملله‌تێ كوردستانێ، سه‌باره‌ت هونه‌رێ مۆزیك و سترانگۆتنێ به‌رده‌وام بوویه فاكته‌ره‌كێ بهێز هشیاركرنا كومه‌لگه‌هێ جڤاكی د ناڤا قادا خه‌باتا سیاسی و نه‌ته‌وه‌ی و نشتیمانپه‌روه‌ریێ ده‌ڕبرینێ ژ هیڤی و ئارمانجێن پاشه‌رۆژا ملله‌تی برێیا هونه‌رێ خوه‌یێ سترانگۆتنێ بوویه چه‌كه‌كێ بهێز مینا سترانێن خوه‌یێن ئه‌ڤینی و دلداری و نه‌ته‌وه‌یی بۆ به‌رسنگرتنا گه‌ف نه‌هه‌ماتیا رژێمێن ل وی سه‌رده‌می گه‌لێ مه تووشی قركرن و كوشتن و ته‌په‌سه‌ریێ كری، به‌لێ ئێك ژوان هونه‌رمه‌ند و ده‌نگبێژێ نه‌مر محه‌مه‌د شێخۆ ب جه‌رگه‌كی هناڤ سوتی و كوردایه‌تیێ ب هژماره‌كا سترانێن خوه یێن رێڤنگ و هه‌ژاریێ وه‌لاتپارێزیێ تژی گوهێن گوهدار و حه‌زژێكرنا سترانا كوردی كریه، له‌ورا هه‌یا نها ژی زۆربه‌یا ئه‌و هونه‌ر و مۆزیك و سترانا كوردی بگۆتنا سترانێن ڤی ده‌نگبێژێ نه‌مر یێ دهێته زیندیكرن ب ده‌نگێن هونه‌رمه‌ندێن گه‌نج و ده‌نگ خوش و زه‌لال له‌ورا ئه‌ڤ ره‌نگه هونه‌رمه‌ندێ نه‌مر هشیاركرنا كومه‌لگه‌هێ وه‌لاتی رێڤنگ و كاروانێ پێشمه‌رگایه‌تیێ هانداینه بۆ دناڤ خه‌بات و شوره‌ش و به‌رگریكرنێ دناخێ خوه دا هه‌مبێزكری كه‌سایه‌تیا وی بوو پارچه‌ك ژ دیرۆكا ملله‌تێ وی گشت ملله‌ت نه‌ته‌وه‌یێن سته‌م دیتی به‌رده‌وام ل بن ده‌ستیێ و داگیركه‌ریێ دا دنالێتن، به‌لێ چ پێ نه‌ڤێت ژ به‌ری وه‌غه‌را خوه یا داویێ خاترا خوه ژ جیهانا هونه‌رێ كوردی بخوازت پتریا د ڤه‌هاندنا هونه‌رێ ستران گۆتنێ دا دگه‌ل بتبلێن دگه‌ل ژه‌نینا ته‌مبورێ بزمانێ خوه یێ شرین و ره‌سه‌ن ستران گۆتن له‌وڕا هه‌تا ئه‌ڤرۆ ژی زۆربه‌یا ده‌نگ و سترانێن وی دناڤا مه‌ژی و هه‌ست ده‌رونێ گوهدار و حه‌ز ژێكه‌رێن سترانا كوردی زیندی دمینیت و ساخه و نه‌مر ل پشتی (٣٣) سال ده‌ربازبووین ل سه‌ر وه‌غه‌ركرنا هونه‌رمه‌ند و ده‌نگبێژێ نه‌مر محه‌مه‌د شێخۆ سامان و میراته‌كێ مه‌زن هونه‌ر و مۆزیك و سترانا كوردی ل پاش خوه هێلایه.
