33 پڕۆژهیێن ئاڤێ ل دهۆكێ دێ هێنه بجهئینان
دهۆك، لهزگین جوقی:
رێڤهبهرێ ئاڤا دهوروبهرێن پارێزگهها دهۆكێ دیار كر، ب گوژمێ چار ملیار و 300 ملیۆن دیناران پتر ژ 33 پڕۆژهیێن ئاڤێ ل پارێزگهها دهۆكێ دهێنه ئهنجامدان و دبێژیت: ژ ئهگهرێ هشكهسالیێ ل دهڤهرداریێن بهردهڕهش و شێخان و سێمیلێ 18 بیرێن ئاڤێ ب ئێكجاری هشكبووینه.
خهلات ئهمین، رێڤهبهرێ ئاڤا دهوروبهرێن پارێزگهها دهۆكێ دیار كر، حكومهتا ههرێما كوردستانێ ب گوژمێ چار ملیار و 300 ملیۆن دیناران پڕۆژهیێن ئاڤێ ل دهۆكێ بجه دئینیت و گۆت: “ئهڤ پڕۆژه ل سهر دهڤهرداریێن ئامێدیێ، سێمیل، شێخان، بهردهڕهش هاتینه بهلاڤكرن، ئهڤ پڕۆژه ب دو قووناغان ل سهر بودجهیا پارێزگهها دهۆكێ دهێنه ئهنجامدان ب شێوهیێ راستهوخوه و چهندین پڕۆژه ژی بۆ بالیندهران هاتینه رهوانهكرن و دێ كهڤنه دبیاڤێ بجهئینانێ دا”.
گۆتژی: “پتر ژ 33 پڕۆژهیێن ئاڤێ ل پارێزگهها دهۆكێ دهێنه بجهئینان، ژ وانا ژی: پڕۆژهیێن گرنگن بۆ دابینكرنا ئاڤا ڤهخوارنێ بۆ وهلاتیان”.
