339 زارۆک ژ نەخۆشیا پەنجەشێرێ قورتالبووینە
لەزگین جوقی
نۆشدارەکێ دهۆکێ دیار کر کو 473 زارۆک ل دهۆکێ تووشی پەنجەشێرێ بووینە ژ وانا ژی 339 زارۆک ژ نەخۆشیا پەنجەشێرێ قورتالبووینە نوکە 134 نەخۆش چارەسەریێ وەردگرن.
د. عەبدولرەحمان عەبدوللا محسن، تایبەتمەندێ نەخۆشیێن زارۆکان و نەخۆشیێن خوینێ یێن زارۆکان دیارکر، ساڵانە 50 هەتا 60 حالەتێن نوی یێن نەخۆشیا پەنجەشێرێ ل دەف زارۆکان ل پارێزگەها دهۆکێ دهێنە تۆمارکرن د چەند سالێن بوری دا هەتا نوکە ل دهۆکێ 473 حالەتێن نەخۆشیا پەنجەشێرا زارۆکان هاتینە تۆمارکرن و 339 زارۆك ژ نەخۆشیا پەنجەشێرێ قورتالبووینە هەتا نوکە ل دهۆکێ 134 نەخۆش چارەسەریێ وەردەگرن.
خۆیاکر، دەرمان ونشتەرگەری و تیشك و پشکنین و هەر پێدڤیەکا بۆ چارەسەریێ بیت دهێتە کرن بۆ زارۆکان گەلەك زارۆك ژ نەخۆشیا پەنجەشێرێ قورتال بووینە چەند نەخۆشێ زوو بهێتە دەستنێشانکرن زووتر نەخۆش قورتال دبیت.
تەکەز کر، پتریا حالەتان پەنجەشێرا خوینێ و مەژی وگرێکێن لەمفاوی و گولچیسکان و هەستیا وتورێن چاڤی ل دەف زارۆکان پەیدادبن کۆ زاروك دژیێ حەڤتیەکێدا تووشی پەنجەشێرا زاروکان بوویە لێ حالەتیێن چارەسەربوونا نەخۆشان گەلەك مشەنە.
