360 هزار كارتێن ڤاكسینێ هاتینه ده‌رئێخستن
هه‌ولێر، قائید میرۆ:
وه‌زاره‌تا ساخله‌میێ بڕیار دایه ده‌رئێخستنا كارتا ڤاكسینێ ب رێیا به‌لگه‌نامه‌یێن دیژی بهێته كرن نه‌ك بتنێ پاسپۆرتێ و به‌رپرسه‌كێ وه‌زاره‌تێ ژی ئاشكرا كر، هه‌تا نوكه 360 هزار كارتێن ڤاكسینێ بۆ وه‌لاتیان هاتینه ده‌ركرن و به‌رده‌وام ژی دهێنه ده‌ركرن.
حه‌ربی كه‌تو، رێڤه‌به‌رێ پشكا ئایتی ل وه‌زاره‌تا ساخله‌میێ بۆ رۆژناما ئه‌ڤرۆ دیار كر، به‌ری نوكه ده‌رئێخستنا كارتا ڤاكسینێ بتنێ ب رێیا پاسپۆرتێ بوو، به‌لێ وه‌زاره‌تا ساخله‌میێ بڕیار دایه ده‌ركرنا كارتا ڤاكسینێ ب رێیا هه‌موو به‌لگه‌نامه‌یێن وه‌ك ناسناما بارێ باژێڕی و كارتا نیشتمانی و ره‌گه‌زناما عیراقی ژی دروسته و گۆت: “نوكه وه‌لاتی دشێن ب رێیا ڤان به‌لگه‌نامه‌یان داخوازا كارتا ڤاكیسنێ ل فه‌رمانگه‌هێن سه‌ر ب وه‌زاره‌تا ساخله‌میێ ڤه بكه‌ن، به‌لێ پێدڤیه كه‌سێ داخوازا كارتا ڤاكسینێ دكه‌ت هه‌ردو قۆرچێن ڤاكسینێ دانابن”.
حه‌ربی كه‌تو گۆتژی: “رۆژانه ل هه‌رێما كوردستانێ 15 هزار كه‌س ڤاكسینێ وه‌ردگرن، زێده‌تری ملیۆن و 200 هزار وه‌لاتیان قۆرچا ئێكێ وه‌رگرتیه و 900 هزار كه‌سان ژی قورچا دویێ وه‌رگرتیه، حوكمه‌تا هه‌رێما كوردستانێ بكارئینانا ڤاكسینێ كریه مه‌رج و رێك ناهێته‌دان وه‌لاتی سه‌ره‌دانا جهێن گشتی بكه‌ن بێی وه‌رگرتنا ڤاكسینێ، هه‌تا نوكه 360 هزار كارتێن ڤاكسینێ بۆ وه‌لاتیان هاتینه ده‌ركرن”.
