37 دادڤـان گـەفێن ڕاوەستاندنا خـولا ئیراقـێ دكەن
د نڤێسارەكا فەرمی دا یا دەستەیا گشتی یا دادڤانێن فوتبۆلا ئیراقێ ب ناڤێن 37 دادڤانان داخاز ژ فدراسیۆنا فوتبۆلا ئیراقێ كرییە شایستەیێن دارایی یێن شەش مەهێن بۆری بۆ ڤەگەڕینن ئەوێن د وەرزێ بۆری و ئەڤ سالە یێن یاریێن خولا ستێرێن ئیراقێ دا بڕێڤەبرین
ل دووڤ نڤێسارا داخوازیێ وەكو یاداشنامەیا نەڕازیبوونێ دا هاتییە بەلاڤكرن كو 37 دادڤانان ب ئیمزا گەف كرینە هەكە شایستەیێن دارایی یێن شەش مەهێن بۆری نە هێتە دان ئەو هیچ یارییەكێ بڕێڤە نابن تایبەت خولا ستێرێن ئیراقێ، پلا نایاب، كۆپا ئیراقێ، پلا ئێك و نە دانا شایستەیێن وان بنپێكرنە ل سەر مافێن دادڤانان و دڤێت چارسەربكەن، ژبەركو مافێ وانە.
ل دووڤ ژێدەرێن نێزیك ژ فدراسیۆنا فوتبۆلا ئیراقێ دبیت د ڤێ حەفتیێ دا دەست ب هنارتنا پشكەكا شایستەیێن دارایی یێن دادڤانان، سەرپەرشتێن یارییان بهێنە دان و دبیت دووماهییا ڤێ حەفتیێ خولا ستێرێن ئیراقێ ڤەگەریت پشتی ڕاوەستیانەكا درێژ.
