37 سالن كارێ دروارێ دكەت
بەفرێ حەمۆ، د دیدارەكێ دا بۆ رۆژنا ئەڤرۆ دیاركر كو ئەو خەلكا دوگورێ یە سەر ب قەزا شنگالێ ڤە، ژیێ وێ پێنجی و چارسالن، ل هەڤدە سالیێ دەست ب دروینا جلكێن ژن و زەلام و زارۆیان كریە، ل سالا 1990 درینگەهەك ل گوندێ دوگورێ ڤەكریە و هەتا نوكە یا بەردەوامە.
ناڤهاتیێ گۆت: راستە جینۆسایدەكا مەزن ب سەرێ مە هات وەك ئێزدی، ب تایبەت ژی خەلكێ شنگالێ و ئەم ئاوەرە بووین و ژیانامە كەفتە دناڤبەرا مان و نەمانێ دا، بەلێ ئیرادە و خۆڕاگریا خەلكێ مە ب هێزتربوو كو ژیانا خوە بەردەوام بكەن، لەورا ئەز ژی وەكو ژنەكا ئێزدی ڤێ چەندێ كارتێكرن ل ژیان و پیشەیا من نەكر بەلكو بەرۆڤاژی هێزەكا زێدەتر دا من كو یا بەردەوام بم و نوكە ژی ل كەمپا كەبەرتۆ من درینگەها خۆ هەیە و ژبۆ هەر كارەكی كو مرۆڤ یێ سەركەفتی و بەردەوام بیت دڤێت پشتەڤانێن ئێكێ مالبات بیت و ئەز دبیم هەر كارەكی مرۆڤ ب شێت دژیانا خوەدا بكەت بلا بكەت و چ شەرم دكاركرنێ دا نینە، بەلكو یا شەرم ئەوە مرۆڤ یێ بێ كار بیت.
